Meta nis vizitën 2-ditore në SHBA

Zëvendëskryeministri dhe ministri i Punëve të Jashtme, Ilir Meta, nis sot vizitën dyditore në Shtetet e Bashkuara të Amerikës.
Meta pritet të mbajë një fjalë në Qendrën për Studime Strategjike dhe Ndërkombëtare.

Po kështu z. Meta do zhvillojë takime të ndryshme në kongres, senat dhe me zyrtarë të lartë të administratës amerikane. Në qendër të kësaj vizite do të jenë zhvillimet në rajonin tonë dhe angazhimet e Shqipërisë në këtë drejtim, si edhe forcimi i mëtejshëm i marrëdhënieve të dy vendeve në të gjitha fushat.