Meta, rikandidim ne krye te LSI, ne zgjedhjet e marsit

Denis Dedej
Levizja Socialiste per Integrim do t'i nenshtrohet zgjedhjeve ne parti dhe ristrukturimit te strukturave ne muajin shkurt dhe mars. Lajmi behet i ditur nga burime brenda kesaj partie, te cilet bejne te ditur se gjate periudhes ne vazhdim do te kete nje axhende te ngushte politike brenda partise. Votimi, i cili do te jete sipas parimit "Nje anetar, nje vote", do te jete zhvillimi kryesor i Levizjes Socialiste per Integrim, si dhe strukturave te saj. Ndersa, prej pak kohesh, kryetari i LSI, Ilir Meta, ka nisur nje tur ne te gjithe deget e partise qe ai drejton. Te shperndara sipas nje grafiku te caktuar, Meta ben keshtu dialogun e pare me bazen e partise, pas zgjedhjeve parlamentare te 28 qershorit. Ne keto zgjedhje, Levizja Socialiste per Integrim, mori 4 deputete, te cilesuar si "mandate te florinjte", te cilet kane ne dore "fatin" e mazhorances qeverisese. Pas certifikimit te rezultatit nga Komisioni Qendror i Zgjedhjeve, kryetari i Partise Demokratike, Sali Berisha, i mandatuar nga Presidenti Bamir Topi, per te krijuar Qeverine, kerkoi zgjerimin e koalicionit me partine e spektrit te majte te drejtuar nga Ilir Meta. I gjendur perballe nje pozicioni te veshtire, por me pergjegjesite per te mos derguar vendin ne kaos dhe drejt zgjedhjeve te parakohshme, si edhe perballe pergjegjesise se sfidave integruese te vendit, sic ka argumentuar edhe vete kryetari i Levizjes Socialiste per Integrim, ky i fundit pranoi ftesen e kreut demokrat. Nga ky bashkim, lindi dhe "Qeveria e Integrimit", qe sfide kryesore te saj ka integrimin e vendit ne Bashkimin Evropian dhe liberalizimin e vizave, ne hapesiren Shengen. Te gjitha keto arsye, vendimi per t'iu bashkengjitur koalicionit "Aleanca per Ndryshim" dhe sfidat e seardhmes, do te jete axhenda kryesore e kryetarit Meta, ne turin e tij ne deget e partise qe ai drejton. Pas shpjegimit qe do te beje lideri i Levizjes Socialiste per Integrimin, per vendimin e marre dhe bashkepunimin ne te ardhmen me mazhorancen, ne kete parti do te nise nje tjeter aksion politik. Ky aksion konsiston ne pergatitjen e infrastruktures se nevojshme per zhvillimin e zgjedhjeve brenda partise. Ne te njejten kohe, te gjitha strukturat do te jene ne veprim per propozime te reja, mbi ndryshimin e strukturave te Levizjes Socialiste per Integrimin, apo riformatimin e struktures drejtuese te saj. Burime brenda LSI bejne te ditur se gjithcka do te behet me transparencen me te plote dhe se cdo detaj i zgjedhjeve ne parti do te behet i ditur per mediat, hap pas hapi. Ndersa kryetari aktual i Levizjes Socialiste per Integrim, Ilir Meta, pritet te marre drejtimin e partise per te dyten here, si i zgjedhur sipas parimit "Nje anetar, nje vote". Meta ne momentin e themelit te partise eshte zgjedhur nga Kongresi, i kryethemeluar dhe eshte mandatuar qe te drejtoje partine deri ne zgjedhjet e partise. Pas ketyre zgjedhjeve, ku lideri aktual i LSI, mori besimin absolut per te drejtuar partine, pritet te marre te njejtin besim per dyten here radhazi. Gjate procesit te zgjedhjeve ne parti, do t'i nenshtrohet edhe analizes se zgjedhjeve parlamentare te 28 qershorit. Proces ky, i cili udhehiqet nga sekretari i Pergjithshem i LSI, Petrit Vasili.