Meta sulmon Ramën me mesazhet e Rooseveltit

Presidenti Ilir Meta vazhdon të përcjelli mesazhe kundër maxhorancës dhe liderit të saj kryeministrit Edi Rama, ndëse nuk e përmend me emër. Zoti Meta ka shfrytëzuar përvjetorin e lindjes së Presidentit të 32-të të SHBA, Franklin D. Roosevelt, për të përcjellë një mesazh të tij. “Në demokraci liria rrezikohet nëse populli toleron rritjen e pushtetit personal deri në pikën kur ai bëhet më i fortë se vetë shteti demokratik. Në thelb ky është fashizëm: kapja e qeverisjes nga një individ, nga një grup, a çfarëdo kontrolli nga pushteti privat.” shkruan zoti Meta në Facebook, ndërsa e konsideron “Një mesazh i mençur, i fuqishëm, aktual për çdo epokë dhe që na fton për reflektim”.