Meta takohet me ish Presidentin Clinton ne Vjene

Kryetari i Levizjes Socialiste per Integrim, Ilir Meta, zhvilloi dje nje takim te perzemert me ish presidentin e Shteteve te Bashkuara te Amerikes, Bill Clinton. Gjate punimeve te Konferences per Demokracine dhe Fuqine Ekonomike te organizuar nga Qendra per Dialog Global dhe Bashkepunim (CGDC), ne Vjene, Kryetari i LSI-se, Ilir Meta u takua me Presidentin e 42 te SHBA-ve, pas nje periudhe disa vjecare. Dy personalitetet, vleresuan gjate takimit, zhvillimet pozitive ne Shqiperi por edhe gjithashtu ne rajon gjate viteve te fundit. Ne kete kuader, si Meta ashtu edhe Clinton, diskutuan dhe vune ne dukje se perpjekjet e perbashketa gjate dhe pas luftes se Kosoves, krijuan themelet e nje stabiliteti afatgjate per te gjithe rajonin e Ballkanit Perendimor. Nga ana e tij, Meta i shprehu ish kreut te SHBA-ve Clinton, vleresimin e tij dhe mirenjohjen e te gjithe shqiptareve per kontributin e cmuar ne sherbim te paqes, dialogut dhe rritjes se bashkepunimit ne Ballkan. Ne kete drejtim, Meta e informoi Clinton gjithashtu edhe rreth ndryshimeve te medha ne marredheniet mes vendeve fqinje vecanerisht ne spektrin e levizjes se lire, shkembimeve tregtare dhe dialogut politik mes qeverive respektive. Gjate bashkebisedimit mes paleve, u shpreh vleresimi se dialogu dhe bashkepunimi pa barriera, eshte e vetmja rruge perpara per te siguruar prosperitetin ekonomik te qytetareve dhe se Shqiperia ne kete drejtim ka ditur te beje zgjedhjen e duhur. Gjate takimit, u vleresua roli kontruktiv i Shqiperise ne rajon dhe u nda bindja se perpjekjet e te gjithe aktoreve politike dhe te shoqerise civile, duhen perqendruar ne shmangien e konflikteve dhe ne pershpejtimin e procesit te integrimit evropian te vendit.