Mijëra persona protestojnë në Jerevan

Së paku 4000 protestues, mbështetës të opozitës, janë mbledhur në kryeqytetin armen për të kërkuar zgjedhje të reja parlamentare dhe presidenciale.

Kjo shënon protestën e parë të opozitës në sheshin qëndror të Jerevanit në tre vitet e fundit.

Qeveria kishte mbyllur sheshin kryesor në kryeqytet pas përleshjeve të dhunshme mes policisë dhe demostruesve në mars të vitit 2008. Në atë kohë, 10 persona u vranë e mbi 250 u plagosën.