Milan-Juventus, derbi mbaron me barazim
ROME-Me rezultat të barabartë 1-1 ka përfunduar supersfida e kësaj fundjave mes Milanit dhe Juventusit.
Ndeshja nga fillimi ishte tejet dinamike, me Milanin që e dominoi lojën. Kjo erdhi ndoshta për shkak të ndryshimeve të Juventusit në formacion, pasi Milani edhe pa Ibrahimovicin, nuk shfaqi shenja dobësie, përkundrazi, mbyti në çdo aspekt kundërshtarin. Juventusi u paraqit me një formacion të pazakont, 4-4-2, e që u tregua vendim i gabuar nga Conte.
Milani fillon të shfaqë tentativat e para dhe me anë të disa depërtimeve kërkoi golin, megjithëse nuk arrin ta gjejë aq lehtë portën.
Pas një aksioni të nisur nga krahu, një top të kthyer e shfrytëzoi më së miri Antonio Nocerino, i cili me anë të gjuajtjes së fuqishme, e cila u devijua, ndau në dysh portën Bianconere dhe e detyroi Buffonin të kapitulonte. San Siro në delir, Milan shënon në minutën e (15’).
Dinamika e lojës vetëm sa u intensifikua në vazhdim të takimit. Juventusi tentoi që me kundërsulme ta dënojë Milanin, teksa këta të fundit nuk u ndalën.
Një aksion mirë të organizuar nga krahu ku kuqezinjtë arrijnë ta konkretizojnë një gol me anë të Muntarit pas një tollovie, por gjyqtari Paulo Tagliavento anuloi golin e pastërt të Milanit. Protesta të mëdha pasuan nga publiku dhe vetë lojtarët kuqezinjve, por Milani mbeti i dëmtuar.
Milani vazhdon ta dominojë sfidën pas këtij skandali. Ishte Mark Van Bommel ai që për pak sa nuk shënoi gol nga një goditje nga gjysmëdistanca, por holandezi nuk kishte fat.
Me rezultatin 1-0 mbaroi pjesa e parë.
Fraksioni i dytë u takoi Bianconerëve. Conte bën ndryshime, sjell lojtarë të tjerë në fushë. Inkuadron Simone Pepen, Mirko Vucinic dhe Alessandro Matrin, të cilët u treguan zgjedhje të qëlluara.
Juventusi arriti të rrezikojë portën Milan dy herë, madje realizoi dhe një gol që u anulua për pozicion jashtë loje, teksa edhe kuq e zinjtë ishin pranë golit, por nuk arritën të dyfishojnë epërsinë përkundër impenjimit.
Kur u mendua se Milani siguroi fitoren teksa Juventusi po e dominonte ndeshjen, vjen dhe goli i Zonjës së Vjetër. Simone Pepe harkoi nga krahu në zonë për Alessandro Matrin, i cili nga afërsia realizoi për 1-1 dhe rezultatin përfundimtar të sfidës (83’).
Vlen të përmendet se në fund të takimit pas një ndërhyrjeje të ashpër u përjashtua nga loja Arturo Vidal.
Pas kësaj ndeshje kontraverse, skuadrat mbesin aty ku janë, Juventusi mbetet pa humbje në pozitën e dytë me 50 pikë dhe një ndeshje më pak se Milani, që ka një pikë më shumë në vendin e parë.
(d.b/BalkanWeb)
Ndeshja nga fillimi ishte tejet dinamike, me Milanin që e dominoi lojën. Kjo erdhi ndoshta për shkak të ndryshimeve të Juventusit në formacion, pasi Milani edhe pa Ibrahimovicin, nuk shfaqi shenja dobësie, përkundrazi, mbyti në çdo aspekt kundërshtarin. Juventusi u paraqit me një formacion të pazakont, 4-4-2, e që u tregua vendim i gabuar nga Conte.
Milani fillon të shfaqë tentativat e para dhe me anë të disa depërtimeve kërkoi golin, megjithëse nuk arrin ta gjejë aq lehtë portën.
Pas një aksioni të nisur nga krahu, një top të kthyer e shfrytëzoi më së miri Antonio Nocerino, i cili me anë të gjuajtjes së fuqishme, e cila u devijua, ndau në dysh portën Bianconere dhe e detyroi Buffonin të kapitulonte. San Siro në delir, Milan shënon në minutën e (15’).
Dinamika e lojës vetëm sa u intensifikua në vazhdim të takimit. Juventusi tentoi që me kundërsulme ta dënojë Milanin, teksa këta të fundit nuk u ndalën.
Një aksion mirë të organizuar nga krahu ku kuqezinjtë arrijnë ta konkretizojnë një gol me anë të Muntarit pas një tollovie, por gjyqtari Paulo Tagliavento anuloi golin e pastërt të Milanit. Protesta të mëdha pasuan nga publiku dhe vetë lojtarët kuqezinjve, por Milani mbeti i dëmtuar.
Milani vazhdon ta dominojë sfidën pas këtij skandali. Ishte Mark Van Bommel ai që për pak sa nuk shënoi gol nga një goditje nga gjysmëdistanca, por holandezi nuk kishte fat.
Me rezultatin 1-0 mbaroi pjesa e parë.
Fraksioni i dytë u takoi Bianconerëve. Conte bën ndryshime, sjell lojtarë të tjerë në fushë. Inkuadron Simone Pepen, Mirko Vucinic dhe Alessandro Matrin, të cilët u treguan zgjedhje të qëlluara.
Juventusi arriti të rrezikojë portën Milan dy herë, madje realizoi dhe një gol që u anulua për pozicion jashtë loje, teksa edhe kuq e zinjtë ishin pranë golit, por nuk arritën të dyfishojnë epërsinë përkundër impenjimit.
Kur u mendua se Milani siguroi fitoren teksa Juventusi po e dominonte ndeshjen, vjen dhe goli i Zonjës së Vjetër. Simone Pepe harkoi nga krahu në zonë për Alessandro Matrin, i cili nga afërsia realizoi për 1-1 dhe rezultatin përfundimtar të sfidës (83’).
Vlen të përmendet se në fund të takimit pas një ndërhyrjeje të ashpër u përjashtua nga loja Arturo Vidal.
Pas kësaj ndeshje kontraverse, skuadrat mbesin aty ku janë, Juventusi mbetet pa humbje në pozitën e dytë me 50 pikë dhe një ndeshje më pak se Milani, që ka një pikë më shumë në vendin e parë.
(d.b/BalkanWeb)