Milloshi: Rama dhe Basha te dalin ne debat televiziv

Kandidati i Partise Komuniste per Bashkine e Tiranes, Hysni Milloshi, ftoi dje dy kundershtaret e tij ne kete gare, Lulzim Basha dhe Edi Rama, qe te dalin ne nje debat televiziv dhe te shprehin programet e tyre. Ne nje ftese "Kerkese per debat", Milloshi, thekson se kandidatet duhet te perballen publikisht, per te bere qartesisht publike programet e tyre dhe te tregojne se i qendrojne principeve demokratike. Ne te kundert sipas tij, ata qe nuk perballen apo shmangin kete gje, jane frikacake dhe pa program. Nga ana tjeter, Milloshi sqaroi gjithashtu edhe pozicionin e Partise Komuniste ne keto zgjedhje, duke u bere apel zgjedhesve qe te mos ngaterrojne komunistet me te majtet. "Thirrjet qe behen votoni te majten se dhe ju komunistet jeni te majte, jane thirrje qe behen me djallezi dhe me qellime te pastra diversioni",-tha Milloshi. Ai beri te qarte se komunistet nuk jane as te djathte dhe as te majte, por jane thjeshte komuniste. Kandidati i Partise Komuniste per Bashkine e Tiranes, njeheresh dhe kreu i kesaj partie, Hysni Milloshi, i beri dje thirrje elektoratit te majte, te rinjve dhe te papuneve si dhe antifashisteve, qe te votojne ate ne 8 maj. Duke u ankuar ndaj shpifesve sic i quajti Milloshi, qe e quajne Partine Komuniste si nje parti afer te majtes, opozites, kandidati komunist per postin e kryetarit te bashkise se Tiranes, tha se keto behen per qellime diversioni. "Ne nuk jemi as me te djathtet dhe as me te majtet",-tha Milloshi. Sipas tij, te votosh per te majtet, eshte qe te varfrit te votojne per t'u pasuruar te pasurit. "Alternativa jone eshte alternativa ndryshe. Ndaj i bej thirrje elektoratit te majte, antifashisteve, te papuneve dhe rinise te votojne per Partine Komuniste", beri dje thirrje Milloshi. Nuk eshte hera e pare qe Milloshi, me fillimin e kesaj fushate elektorale i ka bere thirrje votuesve te kryeqytetit dhe te gjithe vendit, qe tashme ka ardhur koha qe vota e tyre te mos hidhet me per Partine Socialiste, me argumentin se jane te majte, por te hidhet per kandidatet dhe Partine Komuniste Shqiptare. Madje Milloshi nuk ka munguar te hedhe dhe akuza ndaj kreut socialist Rama, duke nenvizuar se ai nuk eshte socialist.

Dite me pare ai eshte shprehur se kandidojne si nje parti e vetme perballe koalicioneve. "Do ta cojme zerin e partise tone tek cdo qytetar",-tha Milloshi. Sipas tij, pengese ndaj PKSH, ne keto zgjedhje do te jete Partia Socialiste, qe Milloshi tha se do te tentoje qe me propagande te demtoje imazhin e forces politike qe ai perfaqeson. "Ne e dime se kemi te bejme me dy forca politike te medha, po une respektoj partine time dhe ndaj kandidoj. Do te kerkojme votat ne Tirane. Kemi elektoratin tone, ndonese Partia Socialiste do te tentoje te na demtoje, duke na kundershtuar. Por ne do vijojme",-tha dite me pare Milloshi.