Ministrat e BE, apel Shqipërisë: Dialog politik

LUKSEMBURG- Bashkimi Europian perserit apelin drejtuar Shqiperise per permbyllje transparente te procesit zgjedhor, rivendosje urgjente te dialogut politik dhe pranim te rezultatit ne respekt te shtetit ligjor dhe institucioneve te pavaruar.

Deklarata eshte bere ne mbyllje te takimit te sotem te ministrave te jashtem te BE-se, ku mes te tjerash u diskutua edhe situata paszgjedhore ne Shqiperi.

BE ben me dije se i ka ndjekur me shume vemendje keto zgjedhje, te cilat i vlereson si te zhvilluara ne nje klime te qete, transparente dhe kompetitive, pavaresisht pengesave dhe veshtiresive proceduriale.

Por, megjithekete, BE shprehet e shqetesuar per situaten politike dhe tensionin e krijuar ne fazen paszgjedhore. ‘Me keqardhje verehet se mesazhet e Unionit, per dialog politik mbi ato ceshtje qe nuk gjejne zgjidhje ne kod elektoral, nuk jane marre ne konsiderate nga udheheqesit politike”- ka konstatuar BE.

Sipas deklarates, “situata ne Tirane eshte ceshtje shqetesuese dhe shprehet keqardhje per perkeqesimin e situates politike dhe rritjen e tensioneve pas ketyre zgjedhjeve”.

Ne mbledhjen e sotme, u kerkua gjithashtu bashkepunim mes Qeverise dhe opozitës, në bashkëpunim me shoqërinë civile, për të rënë dakord për bërjen e një reforme të plotë zgjedhore, duke trajtuar të gjitha rekomandimet e OSBE-ODIHR para zgjedhjeve të ardhshme.