Ministri i Mbrojtjes së Estonisë: Ukraina duhet furnizuar sa më parë me municione

Ministri i Mbrojtjes së Estonisë deklaroi sot se shtetet anëtare të Bashkimit Evropian duhet të furnizojnë sa më shpejt Ukrainën në luftën e saj përballë Rusisë.

“Ne kemi nevojë për para dhe na duhen shpejt,” tha Hanno Pevkur përpara një takimi me homologët e tij në Stokholm.

“Kur të sjellim paratë, atëherë kjo do të rritet edhe kapaciteti i industrisë dhe kjo është ajo që na duhet gjithsesi edhe për të ardhmen, që industritë evropiane të jenë në gjendje të prodhojnë më shumë guaska”, është shprehur Pevkur.

Një pjesë e këtyre parave të reja pritet të përdoret për të blerë predha artilerie 155 milimetrash. Ndërkaq, javën e kaluar, Presidenti i Ukrainës Volodymyr Zelensky u takua me zyrtarë të lartë të qeverisë nga Holanda dhe Estonia në qytetin perëndimor të Ukrainës, Lviv.

Zelensky shprehu mirënjohjen e tij për “mbështetjen e rëndësishme të mbrojtjes, financiare, energjetike dhe ligjore” të ofruar nga të dy vendet që nga fillimi i pushtimit rus.

/rtsh.al/