Ministria e Jashtme përshëndet ratifikimin e Traktatit të Lisbonës

Ministria e Punëve të Jashtme të Shqipërisë ka përshëndetur përfundimin e proçedurave të ratifikimit të Traktatit të Lisbonës pas nënshkrimit të tij nga ana e Presidentit të Republikës Çeke z. Vaclav Klaus.
Në një deklaratë për shtyp kjo ministri thekson se me hyrjen në fuqi të Traktatit të Lisbonës, shënohet edhe fillimi i një epoke të re dinamike për të ardhmen e Bashkimit Evropian, duke rritur njëkohësisht efikasitetin e Unionit dhe peshën e tij në arenën ndërkombëtare.