Ministria e Mbrojtjes: Media te mos jape njoftime te pasakta per rrezimin e helikopterit te ushtrise

Ministria e Mbrojtjes e Maqedonise i beri thirrje dje medias vendase qe te mos publikoje "njoftime te pasakta dhe te pakontrolluara" per rrezimin e helikopterit te Ushtrise, te shtunen e kaluar. Ministria e Mbrojtjes e Maqedonise veren se lidhur me kete fatkeqesi, ka patur "informacione ofenduese, te pasakta dhe spekulime tendencioze", ndersa, thekson njoftimi, hetimi vazhdon. "Disa informata ishin ofenduese, ndersa disa te tjera ishin te pasakta dhe joprofesionale. Kjo demton autoritetin e pjesetareve te Ushtrise, vecanerisht atyre te aviacionit ushtarak, si dhe punonjesve te Ministrise se Mbrojtjes", thuhet ne njoftimin e shtypit.
Me 12 janar, nje helikopter i Ushtrise se Maqedonise u rrezua ne rrethinen e Katllanoves, afer Shkupit, duke shkaktuar vdekjen e 11 ushtarakeve qe po ktheheshin nga misioni paqeruajtes ALTEA, ne Bosnje e Hercegovine. Qeveria e Maqedonise njoftoi dje se nuk do te jape asnje deklarate per hetimet rreth kesaj fatkeqesie, pa u mbyllur hetimet. "Nuk duam te ndikojme mbi rrjedhen e hetimit. Organet hetuese jane te detyruara te kontrollojne me imtesi te gjitha faktet dhe rrethanat e kesaj fatkeqesie", deklaroi dje zedhenesi i Qeverise se Maqedonise, Ivica Bocevski. Ai sqaroi gjithashtu se pas perfundimit te hetimit, Komisioni qe ka krijuar Qeveria do rihetoje rrethanat e fatkeqesise, si edhe vete punen e organeve hetuese.