Ministritë bosh, ja emrat e përfolur në PD
11/04/2011 Seanca e 14 prillit, data e fundit për zëvendësimin e dy ministrave të dorëhequr
Kryeministri ka deklaruar se do të emërohen përpara zgjedhjeve lokale të 8 majit
Kryeministrit Sali Berisha, përveç sprovës së fushatës që ka me kundërshtarin e tij Edi Rama, në këtë javë që sapo hyri i duhet të përballet dhe me dy përzgjedhje aspak të lehta. Bëhet fjalë për caktimin e emrave të dy ministrave të rinj, ministrit të Brendshëm dhe ministrit të Kulturës, poste të cilat janë lënë vakant për shkak të kandidimit të Lulzim Bashës për Bashkinë e Tiranës, dhe Ferdinand Xhaferajt për Bashkinë e Durrësit. Në dukje, duke parë dhe organizimin e PD-së, por edhe mënyrën se si e drejton Kryeministri, mund të duket diçka e lehtë, por zëvendësimi i tyre në fushatë dhe qejfmbetjet që mund të lindin e bëjnë këtë zgjedhje një mision të vështirë. Ruajtja e balancave dhe shmangia e ndonjë situate të papëlqyer duket se po sjellin dhe vonesat në caktimin e emrave.
Deklarata
Në emisionin “Opinion” të Blendi Fevziut, Berisha do të deklaronte se ministrat do të zëvendësohen para fushatës, duke hequr kështu çdo dilemë se kryetari i mazhorancës do të priste përfundimin e përballjes elektorale për të dërguar emrat për dekretim te Presidenti. Dhe në rast se vërtet Berisha do i përmbahet atij zotimi, atëherë si ka mbetur datë tjetër përveç se ajo e 14 prillit, kur është dhe seanca e fundit përpara zgjedhjeve, sipas një marrëveshjeje të bëra nga të dyja partitë. Në dukje, vihet re se Kryeministri është përqendruar vetëm te fushata, por s’është aspak kështu. Lëvizjet brenda PD-së për të marrë postet e shumëlakmuara kanë filluar prej kohësh, shumë më parë se dhe vetë Basha apo Xhaferraj të shpallnin ambicien e tyre për t’u bërë kryeqytetarë, njëri i Tiranës dhe tjetri i Durrësit.
Emrat
Por cilët janë emrat që qarkullojnë nëpër zyrat e Partisë Demokratike, si kandidatura për të qenë pjesë e ekzekutivit. Për Ministrinë e Kulturës është përfolur emri i Mesila Dodës, por nuk përjashtohen dhe emra të tillë si Gert Bogdani apo Lajla Përnaska. Ministria e Brendshme është ajo që hap më shumë andralla. Në gjirin e PD-së ka një mori juristësh, që pretendojnë për këtë post të rëndësishëm. Ilir Rusmajli, Viktor Gumi apo Gent Strazimiri janë emra, të cilët nuk përjashtohen nga përzgjedhja e Berishës. Gjithsesi, zgjedhja i mbetet Kryeministrit, i cili të paktën në përzgjedhjen e kabinetit, sërish mbetet i paparashikueshëm. Natyrisht që posti i ministrit të Brendshëm, përpos profesionalizmit është dhe një post shumë delikat, i cili mund të shkaktojë jo pak qejfmbetje. Nuk përjashtohet mundësia që Berisha të bëjë një përzgjedhje jashtë grupit parlamentar, si në rastin e Enkelejd Alibeajt, në vitin 2007, sot deputet i i PD-së, që asokohe ishte drejtor i Auditit në Kryeministri.
Lulzim Basha
Lulzim Basha dha dorëheqjen nga posti i ministrit të Brendshëm më 23 prill, menjëherë pas deklarimit një ditë më parë si kandidati potencial për bashkinë më të madhe në vend. Karriera e Bashës, përpos një historie suksesi që lidhet me rrugën Durrës -Kukës, anëtarësimin në NATO dhe së fundi me liberalizimin e vizave, ka kaluar dhe nëpër shënjestrën e opozitës, e cila e shikonte si një kundërshtar të fortë të Ramës.
Ferdinand Xhaferaj
Ferdinant Xhaferaj, kandidati për Bashkinë e Durrësit, dha dorëheqjen vetëm pak ditë më parë se të fillonte fushata, kur në mbledhjen e Këshillit Kombëtar u zyrtarizua për t’u përballur me Vangjush Dakon e PS në qytetin bregdetar. Në fakt, Xhaferaj e ka kërkuar këtë kandidim që në vitin 2003, kur ishte anëtar i demokratëve të reformuar të Genc Pollos, dhe më pas në vitin 2007, kur Berisha preferoi të vendoste Armand Telitin në Durrës.
Kryeministri ka deklaruar se do të emërohen përpara zgjedhjeve lokale të 8 majit
Kryeministrit Sali Berisha, përveç sprovës së fushatës që ka me kundërshtarin e tij Edi Rama, në këtë javë që sapo hyri i duhet të përballet dhe me dy përzgjedhje aspak të lehta. Bëhet fjalë për caktimin e emrave të dy ministrave të rinj, ministrit të Brendshëm dhe ministrit të Kulturës, poste të cilat janë lënë vakant për shkak të kandidimit të Lulzim Bashës për Bashkinë e Tiranës, dhe Ferdinand Xhaferajt për Bashkinë e Durrësit. Në dukje, duke parë dhe organizimin e PD-së, por edhe mënyrën se si e drejton Kryeministri, mund të duket diçka e lehtë, por zëvendësimi i tyre në fushatë dhe qejfmbetjet që mund të lindin e bëjnë këtë zgjedhje një mision të vështirë. Ruajtja e balancave dhe shmangia e ndonjë situate të papëlqyer duket se po sjellin dhe vonesat në caktimin e emrave.
Deklarata
Në emisionin “Opinion” të Blendi Fevziut, Berisha do të deklaronte se ministrat do të zëvendësohen para fushatës, duke hequr kështu çdo dilemë se kryetari i mazhorancës do të priste përfundimin e përballjes elektorale për të dërguar emrat për dekretim te Presidenti. Dhe në rast se vërtet Berisha do i përmbahet atij zotimi, atëherë si ka mbetur datë tjetër përveç se ajo e 14 prillit, kur është dhe seanca e fundit përpara zgjedhjeve, sipas një marrëveshjeje të bëra nga të dyja partitë. Në dukje, vihet re se Kryeministri është përqendruar vetëm te fushata, por s’është aspak kështu. Lëvizjet brenda PD-së për të marrë postet e shumëlakmuara kanë filluar prej kohësh, shumë më parë se dhe vetë Basha apo Xhaferraj të shpallnin ambicien e tyre për t’u bërë kryeqytetarë, njëri i Tiranës dhe tjetri i Durrësit.
Emrat
Por cilët janë emrat që qarkullojnë nëpër zyrat e Partisë Demokratike, si kandidatura për të qenë pjesë e ekzekutivit. Për Ministrinë e Kulturës është përfolur emri i Mesila Dodës, por nuk përjashtohen dhe emra të tillë si Gert Bogdani apo Lajla Përnaska. Ministria e Brendshme është ajo që hap më shumë andralla. Në gjirin e PD-së ka një mori juristësh, që pretendojnë për këtë post të rëndësishëm. Ilir Rusmajli, Viktor Gumi apo Gent Strazimiri janë emra, të cilët nuk përjashtohen nga përzgjedhja e Berishës. Gjithsesi, zgjedhja i mbetet Kryeministrit, i cili të paktën në përzgjedhjen e kabinetit, sërish mbetet i paparashikueshëm. Natyrisht që posti i ministrit të Brendshëm, përpos profesionalizmit është dhe një post shumë delikat, i cili mund të shkaktojë jo pak qejfmbetje. Nuk përjashtohet mundësia që Berisha të bëjë një përzgjedhje jashtë grupit parlamentar, si në rastin e Enkelejd Alibeajt, në vitin 2007, sot deputet i i PD-së, që asokohe ishte drejtor i Auditit në Kryeministri.
Lulzim Basha
Lulzim Basha dha dorëheqjen nga posti i ministrit të Brendshëm më 23 prill, menjëherë pas deklarimit një ditë më parë si kandidati potencial për bashkinë më të madhe në vend. Karriera e Bashës, përpos një historie suksesi që lidhet me rrugën Durrës -Kukës, anëtarësimin në NATO dhe së fundi me liberalizimin e vizave, ka kaluar dhe nëpër shënjestrën e opozitës, e cila e shikonte si një kundërshtar të fortë të Ramës.
Ferdinand Xhaferaj
Ferdinant Xhaferaj, kandidati për Bashkinë e Durrësit, dha dorëheqjen vetëm pak ditë më parë se të fillonte fushata, kur në mbledhjen e Këshillit Kombëtar u zyrtarizua për t’u përballur me Vangjush Dakon e PS në qytetin bregdetar. Në fakt, Xhaferaj e ka kërkuar këtë kandidim që në vitin 2003, kur ishte anëtar i demokratëve të reformuar të Genc Pollos, dhe më pas në vitin 2007, kur Berisha preferoi të vendoste Armand Telitin në Durrës.