Miratohet projekt-rezoluta, Balla bisedë telefonike me Santos: Shqipëria i ka plotësuar kushtet

Kryetari i Grupit Parlamentar të Partisë Socialiste, Taulant Balla, pas miratimit të Projekt-Rezolutën për Shqipërinë në Komisionin e Jashtëm të Parlamentit Evropian, ka zhvilluar një bisedë telefonike me Raporteren për Shqipërinë, zonjën Isabel Santos.

Zoti Balla e ka falenderuar raportuesen Santos për raportin ku i kërkohet Këshillit Evropian “mbajtja pa humbur kohë e Konferencës së Parë Ndër-Qeveritare me Shqipërinë”, duke rikonfirmuar vlerësimin shterues të Komisionit Evropian se “Shqipëria nuk ka më as kushte dhe asnjë detyrë të papërmbushur që të lidhet me Konferencën”.

“Sapo falenderova përmes një telefonate Raporteren për Shqipërinë zonjën Isabel Santos, teksa Komiteti i Politikës së Jashtme i Parlamentit Evropian miratoi në parim (vazhdon votimi i amendamenteve – online) Raportin e përgatitur nga eurodeputetja Santos, ku i kërkohet Këshillit Evropian “mbajtja pa humbur kohë e Konferencës së Parë Ndër-Qeveritare me Shqipërinë”, duke rikonfirmuar vlerësimin shterues të Komisionit Evropian se Shqipëria nuk ka më as kushte dhe asnjë detyrë të papërmbushur që të lidhet me Konferencën.  Raporti do të miratohet në seancën plenare të javës së fundit të marsit”, shkruan Balla.