Mirepritet zgjedhja e Isa Mustafes

Lidhja Demokratike e Dardanise dhe iniciativa qytetare LDK-Ibrahim Rugova e shkeputur se fundmi nga LDK mirepresin zgjedhjen e Isa Mustafes kryetar te LDK-se.

Ne nje bisede telefonike nenkryetari i Lidhjes Demokratike te Dardanise Lulzim Zeneli tha se eshte fat i mire qe LDK perfundimisht u distancua nga nje politike qe i ka sjelle dem asaj dhe gjithe Kosoves. Duke aluduar ne politiken e Fatmir Sejdiut nenkryetari i LDD-se tha se ajo politike ka pergjysmuar subjektin LDK.

Nga ana tjeter LDD shprehet e hapur per bashkepunim me LDK-ne e Mustafes. I pyetur nese do te kthehen ne shtepine e vjeter ashtu sic beri thirrje sot kryetari i ri Mustafa Zeneli tha se LDD tashme e ka ndertuar shtepine e saj te re por zgjedhja e Mustafes ne krye te partise ka hapur dyert e bashkepunimit sepse sic tha ai deri tani kane qene te mbyllura.

Nga ana tjeter si ne udhekryq duket se eshte iniciativa qytetare LDK-Ibrahim Rugova lider i se ciles eshte djali i presidentit te ndjere Uke Rugova. Anetari i kesaj liste tha se eshte ne pritje te nje takimi me zotin Mustafa per te pare se si do te zhvillohen ngjarjet me tutje. Ai tha se do te kerkoje nga zoti Mustafa qe te kete kujdes gjate perzgjedhjes se anetareve te kryesise se LDK-se sepse me kete kryesi qe ka LDK-ja bashkepunimi sipas zotit Haracija nuk do te jete edhe aq i lehte.

Astrit Haracija tha se puna e listes LDK-Ibrahim Rugova nuk do te ndalet dhe do te garoje si liste e vecante ne zgjedhje.