Mjaft apel nderkombetareve
“Lëvizja “Mjaft” beson fuqishëm -thuhet në deklaratë- se ju keni qenë kontribues domethënës në mbështetjen e vlerave demokratike dhe vazhdimisht keni dhënë ekspertizën tuaj për të lejuar lulëzimin e demokracisë në vendin tonë”.
“Mjaft” vecon tre cështje shqetësuese, mes shkeljeve të tjera të të drejtave të njeriut gjatë ngjarjeve të 21 janarit.
“Mjaft” përmend urdhërin e lëshuar për arrestimin e gjashtë anëtarëve të Gardës së Republikës, i cili nuk është zbatuar deri tani.
Në deklaratë flitet për 114 personat e arrestuar gjatë protestave dhe që deri tani nuk ka asnjë informacion për shëndetin dhe mirëqënien e tyre.
“Dje, një prej këtyre protestuesve, Fiqiri Xibri, kreu i sindikatës së minatorëve u transportua me urgjencë në Departamentin e Neurologjisë të Spitalit Ushtarak- shkruhet në deklaratën e “Majft”- me plagë të rënda në kokë, dy ditë pasi ishte arrestuar”.
“Pavarësisht akuzave të mazhorancës se shumica e protestuesve janë kontigjent kriminal, vetem një numër shumë i vogël individësh u provua se kanë qenë të dënuar më parë”.
“Mjaft” i quan këto përgjithësime të papërshtashme me argumentin se është detyra e qeverisë të neutralizojë të tillë individë dhe të sigurojë mbarëvajtjen e të gjithë protestuesve, cka sipas “Mjaft”, thellon hendekun e krizës aktuale kushtetuese në Shqipëri.
Për lëvizjen qytetare, një tjetër shkelje e rëndë e Kushtetutës, e parimit të ndarjes së pushteteve, është mënyra se si ekzekutivi i prezantuar nga kryeministri si dhe nivelet e ndryshme të autoritetit në Ministrinë e Drejtësisë, përfshirë dhe Policinë e Shtetit, kanë shpërfillur autoritetin e prokurores së përgjithshme.
Gjithashtu, në deklaratë përmenden edhe kërcënimet e kryeministrit drejtuar Shërbimit Informativ Shtetëror. Të gjitha këto për lëvizjen “Mjaft”, sulmet kundër sistemit juridik dhe institucioneve të pavarura, nuk janë gjë tjetër vecse një autoritarizëm i amplifikuar.
“Në një vend ku institucionet kushtetuese janë një zgjatim i vullnetit të ekzekutivit, është e sigurt që po shkohet drejt portës së Diktatures. Zhvillimet aktuale autokratike, për lëvizjen “Mjaft” janë të pajustifikueshme dhe të papranueshme”, thuhet më tej në letër.