Mjeket e rretheve, gjoba nese dergojne paciente drejt QSUT Sonila Isaku

Penalitete per mjeket dhe drejtuesit e spitaleve te rretheve ne rast se dergojne paciente drejt QSUT-se, ne rastet kur mund t'i trajtojne vete apo spitalet e rretheve. Ky ka qene apeli qe u ka bere ne fillim te detyres, Ministri i Shendetesise bluzave te bardha, por qe duket se me fillimin e ketij muaji do te zbatohet me rigorozitet. Keshtu nga shtatori do te gjobiten dhe do te pushohen nga puna te gjithe mjeket dhe kreret e spitaleve rajonale qe dergojne pa qene nevoja paciente per t'u operuar drejt Tiranes. Kete fakt, Ministri i Shendetesise, Vangjel Tavo, e ka bere te ditur gjate takimit te pare me drejtues te QSUT-se, nderkohe qe tashme ka ngarkuar drejtorite perkatese, si ne QSUT ashtu edhe ne ministri per zbatimin e ketij urdhri. Drejtori i Politikave ne Ministrine e Shendetesise, Pellumb Pipero, konfirmon se shume shpejti kjo praktike arbitrare do te marre fund dhe se do te zbatohet sistemi i referimit. "Qe nga shtatori e tutje do te mbajne pergjegjesi administrative dhe financiare per cdo rast qe do te referohet ne menyre te padrejte, te pavend ne Qendren Spitalore Universitare "Nene Tereza". Per drejtorin do te kete mase administrative deri ne shkarkim nga detyra dhe cdo pacient i ardhur ne rruge jonormale, pa arsye thelbesore shendetesore do te shoqerohet me nje fature financiare per spitalin respektiv, cka do paguhet nga drejtuesi i institucionit ose mjeket qe e kane referuar", - thote Pipero. Gjithashtu, te njejtat masa do te merren dhe per mjeket prites te kryeqytetit. Gjobat e ndeshkimet administrative do te jene po aq te rrepta. "Edhe per mjeke te Qendres Spitalore Universitare "Nene Tereza" qe evidentohen se hapin portat me katersh pa respektuar sistemin e referimit, pra pa dokumentacionin e nevojshem te referimit per pacientin, do te vihen para te njejtes pergjegjesi duke i vene ne ngarkim koston e trajtimit te pacientit dhe duke e larguar pa hezitim nga puna", - tha Pipero. Te dhenat e QSUT-se tregojne per nje mbingarkese te pavijoneve dhe shfrytezim te larte te shtratit deri ne masen 100 per qind, nderkohe qe spitalet e rretheve me nje buxhet historik, trajtojne vetem nje numer te vogel te pacienteve, ndersa shfrytezimi i shtratit eshte nen 50 per qind. Drejtuesit e Ministrise se Shendetesise po presin per te pare deri ne c'mase sistemi i referimit nuk eshte zbatuar dhe per kete arsye jane duke perpunuar statistikat e QSUT-se. Edhe vitet e shkuara ne raportet e kesaj Qendre Universitare pershkruhej se mbi gjysma e vizitave dhe operacioneve u perkisnin pacienteve te ardhur nga rrethet.