Mjeku i familjes, hallka kryesore e reformes ne shendetesi

Me hyrjen ne spitale pas dy muajsh te skemes se sigurimeve, mjeku i familjes do te kthehet ne hallken me te rendesishme te sistemit. Per te bere nje vizite ne spital te duhet te marresh rekomandim tek ky i fundit e me pas te specialisti. Megjithate me perjashtim te moshes se trete, te tjeret nuk e respektojne sistemin e referimit. Madje nje pjese e qytetareve nuk e njohin rolin e tij dhe mendojne se mjeku duhet t'i vizitoje ne menyre periodike ne shtepi. Per pacientet problem mbeten rastet kur mjeku i tyre nuk eshte dhe duhen nje sere procedurash per t`u vizituar ne mjeke te tjere. Pavaresisht projektit te ri te pakten ne Qendren Spitalore Universitare "Nene Tereza", askush nuk mund t'i shpetoje pageses se tarifave nese nuk zbatohet sistemi i referimit. Vetem per rastet e urgjencave nuk do te aplikohen pagesa per vizitat e mjekeve, ndersa per kategorite e tjera kontrolli kryhet vetem pasi kane bere pagesen dhe jane pajisur me fature. Sipas urdhrit ne QSUT, "sherbim dhe ekzaminime falas, pacientet ambulatore te siguruar do te perfitojne vetem kur paraqiten me rekomandimin e mjekut te familjes dhe specialistit perkates te qendres se banimit per t'u ekzaminuar apo konsultuar, te cilat nuk kryhen ne sherbime shendetesore te tjera pervecse ne QSUT". Megjithate, behet e ditur se personeli i Urgjences ne kete rast do ta pajise pacientin me dokument te rregullt, ku te jete percaktuar numri i regjistrit te urgjences dhe vula e mjekut te urgjences.