Mos i detyroni pastrueset të fshijnë xhamat nga jashtë

Ministrja për Zhvillimin e Komunitetit në Singapor, Halimah Yacob, ka lëshuar një paralajmërim urgjent që askush të mos detyrojë pastrueset të fshijnë xhamat nga jashtë. Urdhri erdhi pasi shtatë pastruese kanë gjetur vdekjen sivjet pasi janë rrëzuar nga godinat e larta duke pastruar xhamat. Paralajmërimi ka shkuar për të gjithë ata punëdhënës, duke u kërkuar që të mos lejojnë pastrueset të fshijnë xhamat nga jashtë, pasi nuk është detyra e tyre. Shumë gra e vajza detyrohen të veprojnë rrezikshëm për të pastruar xhamat, për të treguar se e bëjnë pastrimin e plotë.