Moti i nxehtë, shqiptarët frekuentojnë ende plazhin në gjithë vendin

Moti i nxehtë i shtatorit ka bërë që sezoni i verës të mos përfundojë ende, edhe pse zyrtarisht duhet të kishte përfunduar. Në të gjitha plazhet e vendit është vënë re një dyndje e pushuesëve. Në këtë mënyrë, është vënë re një numër i pazakontë pushuesish, krahasuar me të njëjtën periudhë të vitit të kaluar. Termometri i kalon të 35 gradët në plazhet e vendit dhe sipas shërbimeve sinoptike, edhe java e ardhshme pritet të jetë me temperatura të nxehta, që do të favorizojnë pushuesit, të cilët dëshirojnë të zgjasin verën dhe të jenë pranë bregdetit.