Muaji i fundit i mandatit, mazhoranca pro heqjes se imunitetit te Neranxit

Mazhoranca shprehet parimisht pro, heqjes se imunitetit te deputetit te Levizjes Socialiste per Integrim, Nikollaq Neranxi, per evazion fiskal. Ne mbledhjen e djeshme, te Keshillit per Rregulloren, Mandatet dhe Imunitetin, kryetarja e Kuvendit Jozefina Topalli, u shpreh pro heqjes se imunitetit per deputetin Neranxi. Sipas saj, Keshilli duhet te veproje ashtu si veproi dhe me dy anetaret e kabinetit qeveritar, Fatmir Mediu dhe Lulezim Basha, kur prokuroria kerkoi hetim per ta. Sipas kryetares, kerkesa e prokurorise duhet marre parasysh dhe Kuvendi t'i heqe imunitetin Neranxit. "Ne zbatim te Rregullores, Keshilli duhet te procedoje duke respektuar te njejtin princip, i kthyer tashme ne standard te Kuvendit, si ne cdo rast kur eshte kerkuar heqja e imunitetit per shkak te korrupsionit", theksoi Topalli. Keshilli do te merret me hartimin e raportit qe do te percillet ne seance plenare per tu votuar. Nga deklarimet e mbledhjes se djeshme, maxhoranca duket se ka vendosur qe ne raport te kerkoje heqjen e imunitetit per deputetin e LSI-se. Vete Neranxi ishte i ftuar, ne baze te rregullores se Kuvendit, qe te merrte pjese ne Keshill per t'u mbrojtur ndaj akuzes se prokurorise dhe kerkeses se bere ndaj tij, per heqjen e imunitetit. Por ne vend te pranise, Neranxi preferoi te dorezoje nje material te shkruar, duke shpjeguar arsyet kunder kerkeses se prokurorise. Pak kohe me pare, Prokuroria e Pergjithshme, kerkoi heqjen e imunitetit per deputetin Nikollaq Neranxi, me argumentin se ai ka shkaktuar evazion fiskal.