PD dhe PS po mbajne peng Gjykaten Administrative
Projektligji per "Gjykatat Administrative", mbetet serish peng i konsensusit PD-PS ne komisionet parlamentare te Kuvendit. Ministri i Drejtesise, Enkelejd Alibeaj u shpreh i gatshem te prese mendimet e Partise Socialiste per ligjin. I pranishem ne mbledhjen e djeshme te komisionit te ligjeve, Alibeaj theksoi se per kete projekt pret kompromisin dhe konsensusin e opozites. Deklarata e ministrit, u be pas verejtjeve qe nenkryetari i komisionit, Fatmir Xhafaj beri se projekti nuk merr parasysh sugjerimet e se majtes. "Ne projektligj nuk jane reflektuar verejtjet tona por dhe ato te Keshillit te Larte te Drejtesise", u shpreh Xhafaj. Ai siguroi se ne rast te pranimit te tyre, PS eshte e gatshme te jape konsensusin dhe voten pro, ligjit ne fjale. Ne te kundert, sipas Xhafaj, vota ne Kuvend e selise roze do te jete kunder. Shqyrtimi do te vijoje ne mbledhjet e ardhshme, ku Alibeaj premtoi se do te sjelle nje variant qe do te permbaje dhe verejtjet e se majtes. Sipas ministrit, ne projektligjin e permiresuar, do te reflektohen dhe kritikave te opozites por dhe te Keshillit te Larte te Drejtesise. Gjykata Administrative do te kete 3 nivele, por neni vetem ku palet vijojne te perplasen, eshte ai per seksionet e tij. Nen i cili do te rishqyrtohet dhe nje here nga ekspertet e Ministrise dhe ato te PS. Ai eshte hartuar nga nje grup ekspertesh te sistemit gjyqesor, ne bashkepunim me eksperte franceze dhe gjermane.