Muamba mbetet në gjendje kritike

Mesfushori i Bolton Wanderers, Fabrice Muamba, vazhdon të jetë në gjendje kritike në Spitalin e Londrës.

Në një deklaratë të klubit anglez të dielën në mbrëmje, u konfirmua se nuk ka pasur ndryshime në shëndetin e Muamba pasi më herët stafi zbuloi se ata kishin punuar dy orë për të rivënë në funksion zemrën e 23-vjeçarit.

“Fabrice Muamba mbetet në gjendje kritike në kujdesin intensiv në në Spitalin e Londrës”, shkruhej në deklaratë.

Futbollisti u dërgua në spital të shtunën pasi humbi ndjenjat në White Hart Lane kur pësoi atak kardiak gjatë ndeshjes të çerekfinales së Kupës FA kundër Tottenham Hotspur.