Mungesa e dritave banoret e Sukthit bllokojne rrugen
DURRES - Mungesa me ore te sterzgjatura e energjise elektrike con ne proteste masive banoret e Sukthit lagjja Stalla dhe Katund- Sukth. Te moshuar te rinj gra e femije me kazane mbeturinash dhe mjete te tjera rrethanore bllokuan rrugen qe lidh bashkine e Sukthit me komunat e tjera. Ata pohuan se prej 10 ditesh po vuajne mungesen e energjise. Protestuesit bllokuan rrugen Sukth-Manze duke krijuar radhe te gjata automjetesh. Protesta qe zgjati rreth dy ore per pak sa nuk perfundoi ne perleshje mes banoreve e policise. Banoret u perfshine ne debat me inspektoret e policise teksa keta te fundit shoqeruan disa prej tyre ne komisariat. Prej 10 ditesh energjia iken ne oren 0630 dhe vjen vetem ne oren 22.00 ne mbremje. Kjo situate ka bllokuar bizneset dhe ka shkaktuar probleme te shumta tek pajisjet elektroshtepiake. Jemi gjithe diten pa drita por nuk mund ta tolerojme me kete situate u shprehen te irrituar banoret. Radha kilometrike e makinave dhe kembengulja e banoreve sollen ne vendngjarje edhe nendrejtorin e policise se Durresit Ilir Dedja. Ai arriti te negocioje per lirimin e rruges dhe zhvillimin e protestes para bashkise. Banoret u mblodhen para bashkise dhe debatuan ashper me kryetarin e saj Yrjan Hasani. Ky i fundit pohoi dje se nuk ishte ne dijeni per problemin e banoreve duke thene se vetem nje dite me pare eshte njohur me kete shqetesim. Bllokimi i rruges coi ne shoqerimin e 9 personave fill pas perfundimit te organizimit te protestes pasi ata nuk kishin marre lejen perkatese ne polici. l.m