Murdoch, edhe "James Bond" viktime e pergjimeve
Edhe Sean Connery eshte pergjuar nga "News of the World". Aktori historik qe ka interpretuar agjentin 007 i ka thene policise se celulari i tij eshte pergjuar te pakten 10 here nga e perjavshmja e Rupert Murdoch. Emri i Connery rezulton ne blloqet e Glen Mulcaire, detektivi privat i angazhuar nga "News of the World" per t'u siguruar skupe gazetareve. Aktori skocez behet ne kete pike nje nga viktimat me te famshme te skandalit te pergjimeve. Skandali i pergjimeve nga perandoria mediatike e Murdoch ka marre permasa te medha ne Mbreterine e Bashkuar. Redaksia nuk ka kursyer askend per te arritur qellimet e saj, duke pergjuar pervec yjeve te kinemase dhe muzikes, edhe familjaret e viktimave te krimeve te ndryshme dhe sulmeve terroriste. Me heret gjate muajit, ish-redaktorja e "News of the World", Rebekah Brooks, dhe bashkeshorti i saj, Charlie, u akuzuan nga autoritetet britanike per komplot, me qellim pengimin e drejtesise ne hetimin e skandalit te pergjimeve.