NATO: Kemi goditur 8 anije luftarake të forcave të Gadafit

NATO thotë se ka goditur 8 anije luftarake që përdoreshin nga forcat besnike të udhëheqësit libian Moamar Gadafi.
Një deklaratë e NATO-s bën të ditur se anijet e goditura ishin në portet Sirte, al Kums dhe Tripoli. Një zyrtar i NATO-s tha se goditja ishte e pashmangshme, pasi trupat pro-Gadafit po shkallëzonin përdorimin e forcave detare.
Ndërkaq, zyrtarë ushtarakë amerikanë thonë se u kanë dërguar kryengritësve libianë më shumë se 120 mijë racione ushqimore në përputhje me standardet myslimane dhe se do të dërgojnë së shpejti ndihma të tjera.