NATO merret vesh për strategjinë e tërheqjes nga Afganistani
Me këtë marrëveshje aleanca perëndimore vihet në rrugën e pakthyeshme të largimit nga Afganistani pas plot një dekade.
Samiti i Çikagos u angazhua zyrtarisht për strategjinë e mbështetur nga SHBA-të e cila bën thirrje për largim gradual të trupave të huaja deri në fund të vitit 2014. Pas këtij afati NATO-ja do të kryejë vetëm misione trajnuese për truat afgane.
“Teksa afganët ngrihen, ata nuk do të jenë vetëm”, tha Presidenti i SHBA-ve, Barak Obama, në përfundim të samitit, duke shtuar se “ne tashmë jemi bashkuar pas një plani që i jep fund të mënyrë të përgjegjshme luftës në Afganistan”.
Në Samitin dy ditor të NATO-s në Çikago morën pjesë liderët e 50 shteteve, përfshirë udhëheqësit e 28 vendeve anëtare të NATO-s. Po ashtu në samit ishte edhe Presidenti i Afganistanit, Hamid Karzai, dhe ai i Pakistanit, Asif Ali Zardari.
Liderët e aleancës pranuan në heshtje këmbënguljen e Presidentit të ri Francez, François Hollande, për të tërhequr trupat franceze brenda këtij viti, sikundër kishte premtuar edhe gjatë fushatës presidenciale.
Gjatë samitit mbeti e pazgjidhur çështja pakistaneze. Pakistani bllokoi kalimin e furnizimeve të NATO-s për në Pakistan, pasi avionët e telekomanduar amerikanë vrarë 24 ushtarë pakistanezë.
Në mbyllje të Samitit, Presidenti i SHBA-ve, Barak Obama dhe Sekretari i Përgjithshëm i NATO-s, Anders Fogh Rasmussen, u shprehën optimistë se kjo çështje do të zgjidhej së shpejti.
/Start/F. Prroni/
2012-05-22 12:31
Samiti i Çikagos u angazhua zyrtarisht për strategjinë e mbështetur nga SHBA-të e cila bën thirrje për largim gradual të trupave të huaja deri në fund të vitit 2014. Pas këtij afati NATO-ja do të kryejë vetëm misione trajnuese për truat afgane.
“Teksa afganët ngrihen, ata nuk do të jenë vetëm”, tha Presidenti i SHBA-ve, Barak Obama, në përfundim të samitit, duke shtuar se “ne tashmë jemi bashkuar pas një plani që i jep fund të mënyrë të përgjegjshme luftës në Afganistan”.
Në Samitin dy ditor të NATO-s në Çikago morën pjesë liderët e 50 shteteve, përfshirë udhëheqësit e 28 vendeve anëtare të NATO-s. Po ashtu në samit ishte edhe Presidenti i Afganistanit, Hamid Karzai, dhe ai i Pakistanit, Asif Ali Zardari.
Liderët e aleancës pranuan në heshtje këmbënguljen e Presidentit të ri Francez, François Hollande, për të tërhequr trupat franceze brenda këtij viti, sikundër kishte premtuar edhe gjatë fushatës presidenciale.
Gjatë samitit mbeti e pazgjidhur çështja pakistaneze. Pakistani bllokoi kalimin e furnizimeve të NATO-s për në Pakistan, pasi avionët e telekomanduar amerikanë vrarë 24 ushtarë pakistanezë.
Në mbyllje të Samitit, Presidenti i SHBA-ve, Barak Obama dhe Sekretari i Përgjithshëm i NATO-s, Anders Fogh Rasmussen, u shprehën optimistë se kjo çështje do të zgjidhej së shpejti.
/Start/F. Prroni/
2012-05-22 12:31