NATO vendos per 7 mijë trupa shtesë në Afganistan

Mobilizim i vendeve anëtare në ditën e dytë të samitit të ministrave të Mbrojtjes të vendeve anëtare të NATO-s. Më tepër se 7 mijë trupa do t'i bashkëngjiten kontingjentit amerikan bëri të ditur sekretari i përgjithshëm i NATO-s, Anders Fog Rasmusen, i cili megjithatë paralajmëroi se dërgimi i më shumë trupave në Afganistan nuk është "plumb i argjendtë", dhe u tha aleatëve të përgatiten për betejë të gjatë. Të paktën 25 vende anëtare u angazhuan për dërgimin e më teper trupave, një kundërpërgjigje e vlerësuar si mjaft pozitive nga sekretarja amerikane e shtetit Hilari Klinton.
Në takimin e sotëm në selinë e Aleancës, ministrat e Jashtëm të NATO-s e diskutuan strategjinë kundër talibanëve dhe Al Kaidës. Takimi vjen disa ditë pasi presidenti Barak Obama shpalli se ka vendosur të dërgojë edhe 30 mijë trupa amerikane në Afganistan