Naco: Hetimi, palet afer marreveshjes, sipas Kushtetutes

Qamil Xhani
Pas nje viti debate dhe ngerci politike dy kampet politike ne vend jane drejt gjetjes se nje marreveshjeve. Shenjat per kete pak te ri mes Partise Demokratike dhe Partise Socialiste jane dhene ne deklaraten e nje jave me pare nga kryetari i Grupit Parlamentar Gramoz Ruci, i cili pranoi ngritjen e komisionit hetimor duke e lene per ne Komisionin e Venecias ceshtjen e kutive te votimit. Por edhe pse nuk ka nje dokument te firmosur Nenkryetari i Kuvendit dhe deputeti i Levizjes Socialiste per Integrim Nasip Naco shprehet se palet jane drejt arritjes se nje marreveshje. Ne nje prononcim dhene dje per gazeten “Koha Jone”, Naco shprehet se do te jete konferenca e Kryetareve, ajo qe do percaktojne strategjine procedurale qe do te ndiqet dhe detajet konkrete, por sinjalet per nje marreveshje nuk mungojne. Duke bere nje parashikim te detajeve te paktit te ardhshem, Naco shprehet se do te gjendet nje rruge e mesme mes propozimeve te PS dhe qendrimeve te PD-se, por sigurisht duke respektuar Kushtetuten. “Do te gjendet nje konsensus mbi te dy draftet, mbi ate qe solli Partia Socialiste dhe mbi draftin qe kishte maxhoranca ne lidhje me komisionin hetimor. Besoj se kete radhe do gjejme nje zgjidhje brenda Kushtetutes e brenda vendimit te Gjykates Kushtetuese”, u shpreh dje nenkryetari i Kuvendit Nasip Naco. Respektimi i Kushtetutes dhe ligjeve te vendit ne lidhje me hetimin e zgjedhjeve ka qene dhe pika kryesore e qendrimeve te mazhorances per hapjen e kutive te votimit. Nderkohe qe per perfaqesuesin e mazhorances, Nasip Naco faktin qe Partia Socialiste ka pranuar dhenien e nje mendimi nga Komisioni i Venecias tregon nje shenje reflektimi dhe afrimin e zgjidhjes per ngercin politik. “Pergezoj qendrimin qe mbajti kreu i grupit parlamentar te Partise Socialiste per te ardhur ne parlament, per te marre pjese ne komisionin hetimor per te bere transparencen e zgjedhjeve duke ju drejtuar dhe Komisionit te Venecias” tha Naco. Ne lidhje me debatin se kush do t’i drejtohet Komisionit te Venecias, nenkryetari i Kuvendit thekson se kete gje do e vendos komisioni hetimor qe do te miratohet shume shpejt ne Kuvend. Nderkohe qe vetem pak dite me pare Levizja Socialiste per Integrim, me ane te nenkryetarit te saj Petrit Vasili i sugjeroi Partise Socialiste qe te ta beje vet ankimimin per fletet e votimit ne Komisionin e Venecias.