Nasri lavdëron sulmuesin Chamakh

Talenti francez i Arsenal, Samir Nasri, e mirëpret sulmuesin maroken të Bordeaux, Marouane Chamakh, i cili gjatë verës pritet të transferohet tek “Topçinjtë”. Ish futbollisti i Marseilles i ka vlerësuar lartë cilësitë e sulmuesit kryesor të kampionëve aktualë të Francës.

“Mua më pëlqen shumë, është futbollist i madhe që luan për skuadrën. Ai jep gjithçka nga vetja dhe punon shumë. Nëse arrin, do të jetë një përforcim i madh për ne. Ka potencial të madh dhe në ekipin tonë sigurisht se do të përshtatej mjaft mirë”, tha Nasri.