Nderkombetaret: Duhet dialog politik, po rrezikoni demokracine e integrimin
Nderkombetaret perserisin thirrjet per politiken shqiptare, per te gjetur rrugen e konsensusit ne te miren e zhvillimit te vendit. Ne nje tryeze per pjesemarrjen e grave ne politike, ambasadori i OSBE ne Tirane Robert Bosh por dhe ai holandez, kane deklaruar dhe njehere se "politika shqiptare duhet te ule replikat dhe te vendose dialogun, aq te nevojshem per reformat integruese". Nderkohe viti 2009 po mbyllet me marredhenie te acaruar dhe mungesen totale te dialogut ne politiken shqiptare. Diplomatet e huaj kane shtuar apelet e tyre per vendosjen e dialogut mes socialisteve dhe demokrateve duke mos nguruar te paralajmerojne se vijimi i situates mund te cenoje te ardhmen evropiane te Shqiperise. Shqetesuese sipas diplomateve eshte niveli shume i ulet i perfaqesimit te gruas ne vendimmarrje. "Situata e perfaqesimit te grave ne strukturat vendimmarrese eshte ende shume larg asaj qe duhet te jete. Ka disa perpjekje por jeni ende shume larg. Duhet te kuptoni se kur luftoni per te drejtat tuaja nuk jeni as demokrate dhe as socialiste, as te majta e as te djathta por jeni te nje qellimi te perbashket", theksoi ambasadori i OSBE. Por dhe ambasadori holandez ka qene ne te njejten linje. "Mbetet shume per t'u bere pasi Shqiperia ka perqindjen me te ulet ne Evrope per numrin e femrave te zgjedhura ne Kuvend. Thelbesore eshte te hiqet dore nga apatia, se femrat nuk mund te bejne dot asgje ne politike. Duhet dhe vullnet nga partite politike ne ristrukturimin e tyre, ne favor te perfaqesimit te gjinise femerore", u shpreh ambasadori holandez. Politika nderkombetare nuk po le rast pa shfrytezuar, ne menyre qe t'i bejne apel politikes shqiptare qe te gjeje gjuhen e perbashket per te vendosur dialogun dhe per te mos rrezikuar integrimin e Shqiperise ne BE. Perplasja politike ka filluar vetem disa dite pas zgjedhjeve, teksa PS nuk njohu rezultatin e 28 qershorit, duke bojkotuar Kuvendin dhe duke kaluar ne protesta pa fund ne te gjithe vendin.
Bosh
"Situata e perfaqesimit te grave ne strukturat vendimmarrese eshte ende shume larg prej asaj qe duhet te jete. Ka disa perpjekje por jeni ende shume larg. Duhet te kuptoni se kur luftoni per te drejtat tuaja nuk jeni as demokrate dhe as socialiste, as te majta e as te djathta por jeni te nje qellimi te perbashket".