Meta: Kriza, opozita te mos perhape panik

Kryetari i Levizjes Socialiste per Integrim, Ilir Meta, shprehu dje keqardhjen per retoriken teresisht jo konstruktive nga ana e perfaqesuesve te opozites, sidomos ne lidhje me situaten ekonomike ne vend, duke i bere serish apel opozites qe te behet pjese e proceseve integruese. Permes nje komunikimi nga selia e LSI, Meta theksoi se eshte per te ardhur keq qe synohet te perhapet panik, pa asnje logjik ekonomike por mbi te gjitha politike dhe qytetare. Me tej, zevendeskryeministri vleresoi se procesi i integrimit Evropian kerkon reforma. Natyrisht, vijoi Meta, cdo propozim konstruktiv eshte dhe do te jete i mirepritur. Ai shprehu bindjen se nje dialog akoma me i hapur do te zhvillohet edhe me biznesin dhe perfaqesuesit e tij dhe me te gjitha institucionet e tjera rregullatore, me qellim permiresimin e klimes se biznesit. "Prandaj edhe nje here tjeter gjej rastin, qe te ftoj lidershipin e Partise Socialiste dhe forcat e tjera politike opozitare, qe te perfshihen ne kete proces ne menyre konstruktive, sepse une besoj se kane dhe mundesite, aftesite edhe kapacitetet per te kontribuar, per te qene nje vlere e shtuar dhe e domosdoshme e gjithe ketij procesi", apeloi lideri i LSI. Duke komentuar Pyetesorin e dorezuar nga Bashkimi Evropian per vendin tone, ministri i Jashtem nenvizoi se nuk eshte nje pyetesor thjesht per qeverine. Keshtu qe ne kete drejtim, vijoi Meta, "jo vetem qe mazhoranca do te jete gjithnje e hapur per dialog dhe bashkepunim me opoziten, por pa asnje diskutim me gjithe grupet e tjera te interesit ne vend, sepse dialogu eshte nje proces shume me i gjere sesa thjesht dhe vetem Parlamentit".
DIALOGU
"Dialogu kerkon dy pale, qeveria ka qene dhe mbetet e palekundur per dialog. Njekohesisht mendoj qe dialogu synon parime te perbashketa mbi te cilat do te mbeshtetet dhe qellime te perbashketa", u shpreh kryetari i LSI, Ilir Meta.