Ndiqte te dyshuarin ekzekutohet me plumb pas veshi oficeri i policise
Artan CENA
VLORE - Ekzekutohet me nje plumb ne koke oficeri i policise Roland Lika. Ngjarja e rende ka ndodhur ne oret e para te dites se djeshme ne lagjen Cole te Vlores. Nga deklarimet e bera nga koleget e Roland Likes 43 vjec ky i fundit kishte raportuar rreth ores 0100 te mengjesit se ishte ne ndjekje te nje personi. Disa minuta me pas uniforma te tjera blu kane shkuar ne ndihme te tij por e kane gjetur te vdekur ne makinen e tij. Menjehere eshte dhene alarmi dhe ne vendin e ngjarjes jane grumbulluar forca te shumta policie. Likaj ishte komandanti i togave te efektiveve te rendit dhe lajmi per vrasjen e tij ka shqetesuar dhe kreret e Policise se Shtetit. Nga Tirana ne drejtim te Vlores jane nisur hetues nga Drejtoria e Pergjithshme e Policise se Shtetit ndersa Forcat e Nderhyrjes se Shpejte kane bere kontrolle te shumta ne lagjen Cole dhe ne te gjithe qytetin bregdetar. Policia ka ofruar 5 milione leke per informacionet qe do te jepen per kapjen e autorit.
KRIMI
Koleget e oficerit te policise Roland Likaj kane deklaruar se ai ishte ne patrullim me 5 kolege te tjere. Por ne nje moment 43-vjecari eshte shkeputur nga grupi per te marre automjetin e tij privat qe e kishte lene ne afersi te Gjykates. Pasi ka marre makinen ai eshte drejtuar per ne lagjen Cole per tiu bashkuar grupit. Gjate rruges ai ka komunikuar me koleget duke u thene se kishte pare nje te dyshuar qe levizte ne rruget e lagjes problematike. Ai eshte vene ne ndjekje te tij. Por pak minuta me vone oficeri ka shkeputur lidhjet me koleget e tij te cilet jane munduar disa here te hyjne ne lidhje me te. Por pasi nuk kane marre pergjigje ne radio dhe ne celular kane nisur kerkimet. Pas gati dy oresh rreth ores 0300 te mengjesit ata e kane gjetur oficerin e policise te pajete mbi timonin e makines se tij. Ai ishte qelluar me nje plumb ne koke ne pozicionin pas veshit.
HETIMET
Pasi eshte gjetur i vdekur oficeri i policise menjehere kane nisur kerkimi ne rruget e lagjes Cole per te kapur autorin e vrasjes. Gjate nates dhe dites se djeshme jane shoqeruar disa persona me precedente penale qe dyshohen se mund te jene autore te ngjarjes. Burimet nga policia thane se jane duke hetuar ne disa pista. Dyshohet se oficeri i policise e ka njohur personin qe ka realizuar vrasjen per shkak se gjate kontaktit te afert me te nuk ka reaguar per te nxjerre armen. Personi qe ka bere vrasjen nuk eshte thjesht nje kriminel ordiner por nje njeri me pervoje per vete menyren e ekzekutimit thane burime nga policia. Gjate oreve te mesdites Drejtoria e Policise se Vlores ka vendosur nje shperblim prej 5 milione lekesh per personat qe kane dijeni per autorin e ngjarjes se rende. Policia ka kerkuar qe informacionet te jepen ne numrat e telefonit 0694102358 dhe 0694100565 duke ruajtur anonimatin e plote.
Zbardhet vrasja e 97-s ne pranga nje nga autoret e krimit
SHKODER - Zbardhet vrasja e ndodhur ne vitin 1997. Policia e Shkodres pas rihapjes se hetimeve tre muaj me pare ka mundur te zbuloje autoret e vrasjes se Ndrec Zekes ngjarje e ndodhur me 20 shtator te vitit 1997. Burimet zyrtare thane se mengjesin e djeshem eshte finalizuar me sukses operacionin i koduar Vrasja e vjeter ku eshte bere i mundur dokumentimi i plote i vrasjes se Ndrec Zekes ngjarje kjo e ndodhur ne fshatin Rrenc komuna Gur i Zi. Nga hetimet e kryera rezulton se autor te vrasjes jane Cezarin Jaku 47 vjec dhe babai i tij Mati Jaku 65 vjec lindur dhe banues ne Fshatin Rrenc komuna Gur i Zi i rrethit Shkoder. Pasi jane zbardhur emrat uniformat blu kane nisur operacion per kapjen e tyre. Ne pranga eshte vene Cezarin Jaku. Gjate kontrollit te ushtruar ne banesen e te arrestuarit policia ka gjetur dhe sekuestruar ne cilesine e proves materiale nje arme zjarri automatik nje hark per hedhje shigjete me dylbi dy radio nderlidhje nje telefon nje pale pranga 6 mekanizma te shkrepjes 3 shtrate shuli per pushke model 56 si dhe 791 cope fisheke luftarake model 56. Policia ka kryer veprimet e duhura procedurale e hetimore dhe materialet ne ngarkim te Cezarin Jakut i kane kaluar Prokurorise se Rrethit Gjyqesor Shkoder per veprat penale te vrasjes me dashje e kryer ne bashkepunim prodhim dhe mbajtje pa leje te armeve dhe municioneve luftarake dhe prodhim e mbajtje pa leje te armeve te gjuetise dhe armeve sportive. Babai i te arrestuarit eshte shpallur ne kerkim dhe uniformat blu jane duke organizuar aksione per arrestimin e tij. Ndaj Mati Jakut eshte ngritur akuza e vrasjes me dashje e kryer ne bashkepunim.
Vdes nje 38-vjecar pas kontaktit me korrentin
LIBRAZHD - Nje person gjeti vdekjen ne nje fshat te Librazhdit pasi ra ne kontakt me tensionin e larte. Policia lokale beri te ditur se ngjarja ndodhi ne fshatin Kutirman komuna Qender-Librazhd. Viktima eshte shtetasi Dhimiter Leshi 38 vjec banues ne kete fshat. Nga veprimet e para procedurale rezultoi se ky person ka qene ne aren e tij duke prere drithera dhe gjate punes nga pakujdesia ka rene ne tension.
19 Tetor 2010