Ndizen motoret e Formula 1, kater skuteri favorite

Formula 1 ndez motoret, kater skuteri pretendente per titullin kampion. Nico Rosberg (Mercedes), ka realizuar kohen me te mire dje ne sesionin e dyte te provave te lira per Cmimin e Madh te Bahrain qe do te zhvillohet te dielen me 14 mars. Piloti gjerman e ka zhvilluar nje xhiro per 1'55''409, duke lene pas Luis Hamilton me (McLaren, 1'55''854) dhe shokun e tij te skuadres, Michael Schumacher (1'55''903). Koha e katert eshte shenuar nga kampioni i botes Jenson Button me McLaren. Nje performance te dobet kane shfaqur ferraristet, Massa ne vendin e shtate, ndersa Alonso i nenti. Por ne prag te sezonit nuk kane munguar as debatet dhe replikat mes skuderive. Shkak eshte bere skuderia McLaren, e vene ne shenjester nga disa skuderi per pjesen e pasme te makines. Red Bull e denoncoi ne FIA telajon e re te skuderise angleze, ndersa Renault shkon edhe me tej duke ashpersuar tonet. "Duket qarte qe telajo e McLaren eshte totalisht e parregullt", shprehet menaxheri i skuderise franceze, Bob Bell. Kjo deklarate vjen pas vendimit te FIA-s per te lejuar qe McLaren te garoje me kete talajo. "Federata duhet te jete me e ashper me keto lloj gjerash sepse do na kushtoje te gjitheve nje thes me para", shton Bell. Te njejtin qendrim mban edhe drejtori teknik i skuderise Lotus, Mike Gascoyne: "Jam ende i bindur se eshte dicka e palejueshme. Tani do nxitojne te gjithe ta bejne, per te fituar 2 apo 3 te dhjetat", thote Mike.