Ndryshimet klimatike/ OKB: Akullnajat do të zhduken deri në vitin 2050
“Akullnajat anembanë globit duke përfshirë ato të fundit në Afrikë do të zhduken në mënyrë të pashmangshme deri në vitin 2050 për shkak të ndryshimeve klimatike”, kështu ka supozuar OKB bazuar në një raport.
“Akullnajat në një të tretën e vendeve të Trashëgimisë Botërore të OKB-së do të shkrihen brenda tre dekadave. Akullnajat e fundit të malit Kilimanjaro do të zhduken ashtu si akullnajat në Alpe dhe Parku Kombëtar Yosemite në SHBA. Ata do të shkrihen pavarësisht nga veprimet e botës për të luftuar ndryshimet klimatike, thonë autorët e raportit.
Raporti, i cili bën parashikime bazuar në të dhënat satelitore, vjen ndërsa liderët botërorë përgatiten të takohen në Egjipt për konferencën e javës së ardhshme për ndryshimet klimatike COP27.
Rreth 18,600 akullnaja janë identifikuar në 50 vende të Trashëgimisë Botërore të OKB-së. Ato përfaqësojnë pothuajse 10% të zonës së akullnajave të Tokës dhe përfshijnë pika të njohura turistike dhe vende të shenjta për popullsinë lokale.
Tërheqja dhe zhdukja e akullnajave ishte “ndër provat më dramatike se klima e Tokës po ngrohet”, thuhet në raport.
“Shpresojmë se mund të gabojmë, por kjo është shkenca e vështirë,” tha zyrtari i projektit të UNESCO-s, Tales Carvalho Resende, një nga autorët. “Akullnajat janë një nga treguesit e vlefshëm të ndryshimit të klimës, sepse ato janë të dukshme. Kjo është diçka që ne mund ta shohim vërtet duke ndodhur”, shtoi ai.
Vendet e Trashëgimisë Botërore të listuara me akullnaja që do të zhduken deri në vitin 2050 janë:
Pyjet Hirkane (Iran)
Parku Kombëtar Durmitor (Mali i Zi)
Parku Kombëtar Virunga (Republika Demokratike e Kongos)
Zona e interesit skenik dhe historik Huanlong (Kinë)
Parku Kombëtar Yellowstone (Shtetet e Bashkuara të Amerikës)
Parku Kombëtar i Malit Kenia/Pylli Natyror (Kenia)
Pyrenees Mont Perdu (Francë, Spanjë)
Parku Kombëtar i Maleve Rwenzori (Ugandë)
Pllaja Putorana (Rusi)
Swiss Tectonic Arena Sardona (Zvicër)
Parku Kombëtar Nahanni (Kanada)
Parku Kombëtar Lorentz (Indonezi)
Sistemi Natyror i Rezervës së Ishullit Wrangel (Rusi)
Parku Kombëtar Kilimanjaro (Tanzani)
Parku Kombëtar Yosemite (Shtetet e Bashkuara të Amerikës)
Dolomitët (Itali)
Pyjet e Virgjër të Komit (Rusi)
Jeta e disa njerëzve varen nga akullnajat pasi si burimi i tyre i ujit për përdorim shtëpiak dhe bujqësi, dhe humbja e tyre mund të çojë në mungesë të ujit të freskët gjatë stinëve të thata, tha Prof Duncan Quincey, një ekspert i akullnajave.
/rtsh.al/