Ndryshimet kushtetuese, Topalli mbledh Keshillin e Legjislacionit

Mazhoranca nuk shfrytezon dy javet e marra si kohe per te shqyrtuar nismen e Partise Socialiste per ndryshimet ne Kushtetute, por do te nise qe sot seancen e diskutimeve per te. Kryetarja e Kuvendit, Jozefina Topalli, ka thirrur sot mbledhjen e Keshillit per Legjislacionin, per te shqyrtuar ndryshimet ne Kushtetute. Si nje nisme, me te cilen socialistet kane kushtezuar nje sere reformash te tjera, Topalli vendosi qe sot te zhvillohet mbledhja e radhes e keshillit dhe vetem nje dite me vone, neser, te degjohen grupet e interesit per keto ndryshime. “Kryetarja e Kuvendit, Jozefina Topalli, bazuar ne Rregulloren e Kuvendit therret Keshillin per Legjislacionin dhe Komisionin per Çeshtjet Ligjore, Administraten Publike dhe te Drejtat e Njeriut per t’u mbledhur neser, e marte ora 18:30 ne seancen e dyte te shqyrtimit te iniciatives se Partise Socialiste per ndryshimet kushtetuese dhe pasneser, e merkure ora 09:30, seance degjimore me grupet e interesit”, - behet e ditur ne faqen zyrtare te Parlamentit. Ne seancen e sotme, pritet qe te diskutohet gjeresisht mbi nismen e PS-se, per ate qe ajo quan “reforme ne drejtesi”. Deputeti socialist, Fatmir Xhafaj, kerkoi ne mbledhjen e pare qe nisma te nise te jete pjese e diskutimeve te gjera brenda 14-15 shtatorit dhe te votohet ne seance plenare brenda 30 shtatorit. “Do te ishte ne interes te procesit, qe brenda dates 14-15 shtator te realizohen seancat degjimore me grupet e interesit pastaj te percaktohet zhvillimi i debatit ne parim dhe nen per nen dhe ne seance te votohet brenda dates 30 shtator, se bashku me pjesen tjeter te amendamenteve te shqyrtuara me pare per imunitetin”, - u shpreh Fatmir Xhafaj. Propozim ky, i cili nuk u pranua ne mbledhjen e pare. Socialistet mandatuan Pandeli Majkon si relator te nismes se tyre. Por si i tille, Majko beri nje prezantim teper te shkurter, ku ne vetem tre minuta prezantoi nismen e PS-se per ndryshimet kushtetuese dhe kerkoi nisjen e shqyrtimit. “Grupi i Partise Socialiste ka depozituar nje sere ndryshimesh per Kushtetuten e vendit per funksionimin e sistemit te drejtesise. Ka kohe qe ka nisur ky diskutim nga PS, per ndryshimet qe duhen bere. Nuk dua te merrem as me fjalet e hedhura ne parlament as ironite, ne duam te ndryshojme nenet e Kushtetutes, qe kane te bejne me zgjedhjen e anetareve te gjykatave te rendesishme ne vend”, - propozoi Majko. Ai u shpreh se PS eshte e hapur per çdo lloj propozimi, ndryshimi nga ana e mazhorances, duke theksuar faktin e PS eshte e vendosur per kufizimin e imuniteteve dhe se per kete force politike kjo çeshtje eshte e mbyllur.