Ndryshimet në qeveri, betohen Haxhinasto dhe Naço

Zëvendëskryeministri dhe Ministri i Punëve të Jashtme Edmond Haxhinasto dhe Ministri i Ekonomisë, Tregtisë dhe Energjetikës, Nasip Naço janë betuar sot para Presidentit të Republikës Bamir Topi.
 

Pas ekzekutimit të himnit kombëtar dhe leximit të dekreteve përkatëse nga Sekretari i Përgjithshëm, Aleksandër Flloko, si dhe pas betimit mbi Kushtetutë të zotit Haxhinasto dhe zotit Naço, Presidenti i Republikës, Prof. Dr. Bamir Topi u dorëzoi dy anëtarëve të Këshillit të Ministrave dekretet e emërimit, duke u uruar suksese në këto detyra të rëndësishme.