Në 6 muaj, 50 milionë dollarë dëm arkës së shtetit

Rreth 50 milionë dollarë është dëmi ekonomik dhe ndikimi negativ financiar në arkën e shtetit shqiptar në gjashtë muajt e parë të këtij viti.

Ky konstatim është bërë publik, pas përfundimit të analizës 6-mujore të Kontrollit të Lartë të Shtetit, mbledhje e zhvilluar për tre ditë me radhë në qytetin e Vlorës, raporton Vizion Plus.

Kreu i KLSH nënvizoi gjithashtu se gjatë këtyre 6 muajve të parë të vitit janë kryer nga ky institucion 18 kallëzime penale për shpërdorim detyre, shifër kjo e barabartë me numrin e kallëzimeve të bëra në tre vitet e fundit.