Në Arabi zgjidhet Miss Ferexheja

Sauditja Aya Ali al-Mulla është zgjedhur si femra më e bukur e Arabisë Saudite, edhe pse asnjëherë nuk e ka hequr perçen dhe nuk e ka zbuluar fytyrën e saj. Aya, 18-vjeçare, e veshur me rroba tradicionale, është zgjedhur fituese e kurorës “Mbretëresha e moralit të bukur”. Për tre muaj ajo ka kaluar një mori testesh për devotshmëri ndaj familjes dhe shoqërisë duke fituar një shpërblim prej 930 euro, një qafore margaritari dhe një tjetër diamanti, një orë dore të dekoruar me diamante si dhe një biletë avioni drejt Malajzisë.