Në YouTube hidhet një orë video në sekondë

Përdoruesit e YouTube hedhin një orë me video në çdo sekondë. Kjo do të thotë që çdo ditë aty ngarkohen një dekadë me video.

Videot në faqe shihen rreth 4 miliard herë çdo ditë- një rritje prej 25 përqind në tetë muajt e fundit.

Sasia e videove të ngarkuara në faqe është dhjetëfishuar në vetëm 4 vite.

Ekuivalenti i gjysmës së popullsisë së botës sheh një video çdo ditë.

Faqja u ble për 1.6 miliard USD nga Google pasi u krijua nga tre të rinj në një garazh në vitin 2005.