Në pritje të mbylljes së procesit të votimit, Gani Bobi pritet të publikojë Exit Pollet
Rezultatet e sondazhit, fiton PDK
Prishtine, 12 dhjetor, NOA/ Irma Toptani – Nderkohe qe te gjitha qendrat e votimit ne Kosove pritet te mbyllen moment pas momenti ne te gjithe vendin, posa te perfundojne votimin edhe zgjedhesit e fundit, dhe te zyrtarizohet mbyllja e ketij procesi votimi nga KQZ, instituti “Gani Bobi” qe drejtohet nga analisti kosovar Shkelzen Maliqi pritet te beje publike menjehere pas mbylljes se tyre rezultatet e para te Exit Polleve, per formacionet fituese ne keto zgjedhje te pergjithshme ne Kosove. Me heret vete kryetarja e KQZ-se, valdete Daka beri me dije se deri ne oren 15.30 pjesemarrja e votuesve ne keto zgjedhje ishte 34.10 perqind e te gjithe votuesve, pra 567 565 votues nga 1 milion e 600 mije votues qe ishin gjithsej.
Ne keto zgjedhje votuesit ne Kosove kane hedhur voten e tyre per 122 deputetet e rinj te Kuvendit te Kosoves, te cilet vijne nga 29 subjekte politike ne Kosove.
Ne te gjithe Kosoven prej ores 07.00 te mengjesit jane hapur 746 qendra votimi me 2280 vendvotime.
Megjithate kryetarja e KQZ-se, Valdete Daka deklaroi me heret se qendrat e votimit ne veri te Kosoves per arsye sigurie jane hapur ne oren 09.00 dhe jane mbyllur ne oren 16.00, pra tri ore me pare se te plotesohet orari zyrtar.
Jane 14 qendra te votimi te vendosura ne veri te Kosoves, nje zone e banuar nga nje shumice serbe.
Zgjedhjet ne Kosove po monitorohen nga mbi 32 mije vezhgues, nga te cilet 26 mije jane pjese e partive politike, 493 jane anetare te organizatave nderkombetare, 351 zyrtare te ambasadave ne Kosove dhe mbi 5 mije vezhgues ne terren vijne nga organizatat joqeveritare.
Nderkohe qe mbi 6000 police po mbikeqyrin situaten rreth qendrave te votimit per te siguruar mbarevajtjen e tyre.
Pas mbylljes se qendrave te votimit ne mbare Kosoven, pritet te nise edhe numerimi i votave.
KQZ, pritet te dale ne nje konference per shtyp sonte ne oren 20.00, ku do te jape te dhenat perfundimtare sa i perket perqindjeve te votuesvve ne keto zgjedhje te pergjithshme, te cilat cilesohen historike per shtetin e ri, pasi jane te parat qe zhvillohen pas shpalljes se Pavaresise se Kosoves, me 17 shkurt te 2008-es.
mit/NOA