Në vijim të dialogut politik të nivelit të lartë me Autoritetet e Shteteve të Bashkuara të Amerikes, Kryeministri Fatos Nano ka marrë sot një mesazh nga Presidenti i SHBA-së Xhorxh W.Bush

"Ju falenderoj për mesazhin tuaj të ngrohte lidhur me kapjen e Sadam Husenit. Kjo është një fitore për lirinë e njerëzimit në të gjithë botën, dhe në mënyrë të veçantë për popullin e Irakut, i cili ka vuajtur nën regjimin diktatorial të Sadam Huseinit nën shtypje dhe terror.

Kapja e Sadam Huseinit, mbi të gjitha, demostroi se fitorja e forcave aleate të koalicionit vendosi ti japë fund periudhës së errët të tiranisë për popullin e Irakut.

Ne duhet të punojmë të gjithë së bashku tani, për të ndihmuar në rindërtimin e një Iraku të lirë dhe në paqe, ku ligji dhe principet themelore të të drejtave të njeriut të respektohen.

Unë përshëndes të gjithë pjestarët e forcave tona të armatosura, ato të Republikës së Shqipërisë dhe të gjithë partnerët tonë të koalicionit që kanë mbetur besnik në vendosmërinë e tyre për t'i sjellë shpresë dhe liri popullit të Irakut", thuhet në mesazhin që Kryeministri Fatos Nano ka marrë sot nga Presidenti Amerikan Xhorxh W.Bush.

Më shumë nga Zyrtare