"Need for Speed", bëhet film

Për kënaqësinë e të gjithë tyre që e preferojnë, loja e njohur kompjuterike “Need For Speed” (Nevoja për Shpejtësi) së shpejti do të bëhet film, njofton portali Hollywood Reporter.

Ndryshe, "Need for speed" është një lojë vozitësish virtualë, versioni i parë i së cilës u shfaq në vitin 1994. Që nga ai vit Cd’të dhe DVD’të e kësaj loje janë shitur në mbi 1000 milionë kopje, ndërkohë që janë bërë 15 versione të saj: për kompjuterë, për konzolla të ndryshme dhe për telefona celularë. Kështu, ky serial i lojës për gara me automobila është shndërruar në serinë të suksesshme të lojërave kompjuterike deri më tani.

Shtëpia filmike Dreamworks ka blerë projektin për xhirimin e filmit të bazuar në këtë lojë. Aktualisht, skenaristët John dhe George Gettins po punojnë në përshtatjen e lojës për bartje në shiritin filmik.

Ende nuk dihet se kush do të luaj në film, ndonëse shtypi hollivudian qysh tani parashikon një film bestseller.