Neser, nis aplikimi part-time, c'duhet te keni parasysh Luljeta Ndoka

Duke filluar nga dita e neserme e deri me 21 tetor, te gjithe kandidatet e interesuar per te ndjekur studimet me kohe te pjesshme ne Universitetin e Tiranes, do te mund te bejne aplikimin. Sipas udhezimit te fundit per studimet me kohe te pjesshme, aplikimi i kandidateve do te nise me 17 tetor deri ne 21 tetor te ketij viti, prej ores 08.00 deri ne 16.00, prane sekretarive mesimore te fakulteteve. "Institucionet publike te arsimit te larte, te shpallin dhe te afishojne ne vende te dukshme kandidatet fitues, brenda dates 27 tetor",- thuhet ne piken 9 te udhezimit perkates. Jane nje sere dokumentesh qe duhet te dorezojne kandidatet, per te bere aplikimin. Por, ndryshe nga sa pritej, ne udhezim nuk theksohet domosdoshmeria e dhenies se dy provimeve me zgjedhe, por diplome te matures shteterore. Duke qene se kete vit te 4 provimet kane qene te "detyruara", atehere nje gje te tille e kuptojme te kerkesa qe jepet ne udhezimin per studentet te cilet kane perfunduar maturen para vitit 2011. Kesisoj, per kete kategori vertet kerkohet deftesa e pjekurise, por nuk thuhet qe kerkohet edhe deshmi e dhenies se provimeve me zgjedhje. Ne kete menyre, edhe sivjet, zgjerohet gama e aplikuesve per studimet part-time. Per te aplikuar, kandidati duhet te paraqese nje fotokopje te noterizuar te diplomes se matures shteterore dhe certifikates se notave, ose te ndonje deftese apo diplome tjeter studimi, te fituar jashte vendit, te barasvlershme me te ne Shqiperi. "Kandidatet qe e kane perfunduar shkollen e mesme para vitit 2011, te dorezojne nje fotokopje te noterizuar te defteses se pjekurise se shkolles se mesme",- thuhet ne udhezim. Dokumenti i dyte qe kerkohet, eshte karte identiteti ose pasaporte dhe fotokopje te tyre. Gjithashtu, kerkohen edhe dy fotografi, dhe mandat-arketimi i tarifes se regjistrimit prej 1550 lekesh, paguar ne Posten Shqiptare. I fundit dokument ka te beje me nje vertetim qe deshmon se kandidati nuk ndjek program tjeter studimi me kohe te plote ose te pjesshme, ne ndonje universitet publik. Sivjet kane te drejte te aplikojne per studime part-time edhe maturantet te cilet kane mbetur ne sesionin e pare te provimeve te Matures Shteterore, por qe kane pasur mundesi te kalojne ne sesionin e vjeshtes. Nga ana tjeter, mjafton vetem qe te kene marre provimet me detyrim, qe te mund te aplikojne per studimet me kohe te pjesshme. Ky eshte nje shans qe u jepet ketyre te rinjve per te vijuar studimet e larta ne universitetet publike.

Perjashtohen fituesit e sivjetshem me kohe te plote

Sipas rregullores, kriteret e aplikimit ne sistemin part-time, duhet te jene te peraferta me ato te sistemit te dites. Nje tjeter element qe perben risi ne menyren se si pranohen studentet ne part-time, eshte edhe fakti se ndalohen kategorikisht qe te aplikojne ata qe jane shpallur fitues me formularin A2 apo qe do te shpallen te tille me formularin A3, ne sistemin e dites. Kuotat do te ndahen: 80% ata qe duan program te pare studimi dhe 20%, aplikuesit per program te dyte studimi.