Ngricat gjunjëzojnë Europën, shkon në 300 numri i viktimave
Europë- Bilanci i viktimave nga i ftohti siberian që ka goditur pjesën më të madhe të Europës duket se po rritet dita-ditës, teksa termometri ka zbritur në Finlandë në -40 gradë celcius.
Mësohet se mbi 300 persona kanë humbur jetën si pasojë e të ftohtit, kryesisht nga hipotermia dhe qindra të tjerë kanë kërkuar ndihmë mjekësore.
Temperaturat nën zero gradë përveç vdekjeve kanë sjellë edhe mjaft probleme sa i takon lëvizjes, si nga toka ashtu edhe nga ajri.
Rrugë të mbuluara me dëborë, dhe avionë që vazhdojnë të mos ngrihen nga pistat e aeroportove është panorama e javës së fundit në shumë vende të Europës Qendrore dhe atë Lindore. Në Bosnje është shpallur gjëndja e emergjencave civile për shkak të motit tejet të acartë dhe izolimit nga dëbora dhe ngricat.
Gjatë ditëve të fundit 8 persona humbën jetën në Poloni, 4 në Francë dhe numri më i madh i tyre është shënuar në Ukrainë, plot 131 persona.
Shkrime të tjera me interes:
- Shkon në 520 numri i viktimave në Turqi TURQI - Bilanci i viktimave i tërmetit të fuqishëm në...
- Temperaturat e ulëta në Europë, shkon në 90 bilanci i viktimave Europë- Acari që ka goditur javën e fundit pjesën më...
- Gjirokastër- Ngricat në rrugë, shtohet numri i të lënduarve nga rrëshqitjet Gjirokastër- Rrugët e ngrira kanë shtuar edhe numrin e personave...