Ngrihet agjencia e kerkimit: Financim Inovacionit, ne te gjitha fushat

Qeveria miratoi dje vendimin per ngritjen e Agjencise se Kerkimit, Teknologjise dhe Inovacionit. Gjate mbledhjes se djeshme te qeverise kryeministri Berisha tha se krijimi i kesaj agjencie synon te nxise kerkimin shkencor jo vetem ne universitetet publike, por edhe ne sektorin privat. "Ne duhet te financojme kerkimet shkencore, jo vetem ne universitetet tona, por edhe ne sektorin privat. Ne duhet te financojme inovacionin ne te gjitha fushat, me perparesi Hi Tec-un, softin, programimin. Funksionet e saj jane shume te rendesishme. Kjo eshte nje perpjekje shtese per te inkurajuar shkencen dhe kerkimin shkencor, inovacionin per te ecur me shpejt drejt moshes dixhitale", deklaroi kryeministri. Sipas tij, ky kater vjecar ka nje objektiv po kaq madhor sa ai ne fushen e infrastruktures, rrugeve, ujesjellesve, kanalizimeve, vaditjes dhe shkollave, pra infrastrukturen qe do te sjelle ne Shqiperi moshen dixhitale.