Ngujimi i tregtareve, 2 te tjera ne spital

Dy greviste te tjera kane perfunduar ne spitalin rajonal te Fierit, pas perkeqesimit te gjendjes se tyre shendetesore. Bukuroshe Cobo dhe Florika Lika jane derguar njera pas tjetres me autoambulance ne repartin e patologjise, ku i jane nenshtruar nje terapie intensive me serume dhe qetesues. Burime nga komisioni i greves se grave tregtare bejne te ditur se aktualisht kane mbetur te ngujuara 12 gra, te vendosura per te vazhduar protesten, me gjithe problemet shendetesore te manifestuara ditet e fundit. Nderkohe, mesohet se grevistja e shtruar dy dite me pare ne repartin e patologjise ne spitalin rajonal te Fierit, ka kaluar fazen kritike te rrezikut per jeten. Athina Budo ndodhet ende nen kujdes te vazhdueshem shendetesor, per shkak te dehidratimit te madh te pesuar nga refuzimi i ushqimit. Sipas personelit mjekesor, 54-vjecarja eshte nen trajtim konstant me serume, ndersa pulsi i gruas ka rifilluar te rrahe normalisht. Grevistja ka pohuar dje nga shtrati i spitalit se me te dale nga spitali, ajo do te rikthehet ne greve te shoqet e saj. Kjo pasi 15 grate e ngujuara jane te vendosura te mos heqin dore nga mjeti i protestes, deri ne plotesimin e kerkesave te tyre. Pervec bluzave te bardha, per garantimin e mbarevajtjes se greves se urise gjate gjithe ketyre diteve jane angazhuar edhe nje numer uniformash blu, te cilat nuk lejojne askend te hyje ne apartamentin e te ngujuarave pa lejen e kryetares se komisionit te greves.