Nis sot minisamiti ballkanik i Prizrenit

Në këtë minisamit ballkanik do të marrin pjesë presidentët e Kosovës, Shqipërisë, Maqedonisë dhe malit të Zi. Presidenti maqedonas Gjorgje Ivanov dhe ai malazez Filip Vujanoviç, pritet të mbërrijnë sot pasdite, ndërsa presidenti shqiptar Bamir Topi do të mbërrijë nesër në mëngjes.

Të shtunën do të ketë takime individuale, ndërsa pasdite do të mbahet mbledhja e të katër presidentëve. Ky është takimi i tretë i Presidentëve të vendeve të rajonit, pas atij të Vlorës dhe Ohrit.