Nis trajnimi i 50 mjekeve te vendit per nje periudhe nje mujore

Ne shtator pritet qe te nise nje kurs 4-vjecar, per specializimin e mjekeve ne sherbimin e urgjences. Ministrja e Shendetesise, Anila Godo, u shpreh se sherbimi i urgjencave ne vendin tone eshte drejt nje reformimi te thelle, duke filluar qe nga ngritja e strukturave per ofrimin e ketij sherbimi, si dhe pergatitja e specialisteve. "Do te realizojme permiresimin e dukshem dhe ngritjet atje ku nuk ekziston infrastruktura, ne te gjithe sektoret e urgjencave dhe pajisjen me mjetet e nevojshme per nje funksionim normal", tha Anila Godo, ministre e Shendetesise. Sipas saj viti i ri akademik pritet te kete nje risi, ku do te celet per here te pare nje dege e vecante brenda Fakultetit te Mjekesise. Kursi 4-vjecar do te pergatise mjeke specialiste vetem per sistemin e urgjencave. Nderkohe gjate dites se djeshme, kane filluar trajnimet nje-mujore per mjeket e urgjencave ne te gjithe vendin. Ne kete trajnim jane perfshire rreth 50 mjeke. Ky kurs ka per qellim te trajnoje mjeket, per te perballur traumat e renda kur paraqiten ne sherbimin e urgjences. Keto kane te bejne me trajnimin ne praktikat e reanimacionit, te stabilizimit te pacientit si edhe t'i ofroje nje sherbim urgjence personave jashte spitalit, ne menyre qe te arrijne ne sherbimin e urgjences, pasi kane marre nje trajtim te pershtatshem. Gjithashtu ky kurs do te ndihmoje ne trajnimin e mjekeve tane per sa i perket triazhit. Prioritet gjate trajnimit te pare te mjekeve, i jane dhene spitaleve te Lushnjes dhe Sarandes, per nga fluksi i njerezve qe ata trajtojne. Ne oren e pare te trajnimit te mjekeve, ministria Godo tha se sistemi i emergjencave dhe urgjencave eshte sektor i rendesishem i kesaj ministrie dhe per kete arsye, nevojiten reforma te thella ne kete sistem. Kursi 1-mujor i organizuar nga Ministria e Shendetesise dhe rajoni i Piemontes, synon rritjen e kapaciteteve profesionale te mjekeve tane dhe bashkepunimin profesional midis dy vendeve. Per sa i perket reformes ne sistemin e urgjencave, Godo ka permendur edhe drejtimet ne te cilat po punohet sot. "Ne po levizim ne tre drejtime. I pari eshte permiresim i infrastruktures. Drejtimi i dyte ka te bejme me plotesimin me pajisjet e nevojshme per urgjencat dhe se fundi, ngritjen dhe perfeksionimin e kapaciteteve njerezore" ka thene gjate fjales se saj Godo. Per sa i perket permiresimit te infrastruktures ne sherbimet e urgjences, sipas ministres se Shendetesise, do te realizohet me ane te financimit nga kooperacioni italian, si dhe nga nje projekt i qeverise japoneze.

Reforma

Reforma ne sistemin e urgjencave ka nisur vite me pare. I pari qe ka kerkuar ndryshimin e ketij sistemi ka qene ish-ministri i Shendetesise, Nard Ndoka i cili pohoi per here te pare, se sistemi i urgjences eshte ne gjendje shume te rende, dhe pa aparatura.