Nishani: Jane 44 azil kerkues, falsifikuan dokumentacionin
Asnje prej 44 personave qe kane kerkuar azil politik ne Belgjike, nuk do ta perfitoje ate. Ministri i Brendshem, Bujar Nishani, ne nje interviste per Tv Klan, u shpreh se jane 44 personat, te cilet kane kerkuar azil politik kryesisht ne Belgjike, por tashme fati i tyre eshte shkruar. "Jane 44 persona, te cilet kane kerkuar azil politik, kryesisht ne Belgjike. Ata jane paraqitur me dokumente te falsifikuara te leshuara nga OJQ-te dhe kryetare komunash, duke u deklaruar si persona qe kane probleme me gjakmarrjen",- u shpreh ministri i Brendshem, Bujar Nishani. Ne baze te verifikimeve, Nishani deklaroi se 44 shqiptaret qe kerkojne azil politik ne Belgjike, jane nga Shkodra. Sipas tij, kryetaret e komunave kane deklaruar se nuk kane dijeni per keta persona, te cilet pretendojne azil ne shtetin belg. Megjithate, ministri i Brendshem u shpreh se keta shtetas nuk do ta perfitojne azilin. "Fati i 44 shqiptareve qe kane kerkuar azil politik ne Belgjike eshte tashme i shkruar. Koha e azilit ne Evrope ka perfunduar",- deklaroi Nishaini, duke hequr cdo shprese per shqiptaret qe duan te marrin kete status, qe ne fund do te mbetet nje statistike, e cila demton imazhin e mire te Shqiperise. Nderkohe qe deri ne maj te ketij viti, Shqiperia do te permendej si vendi i vetem ne rajon, shtetasit e te cilit respektuan cdo kriter te levizjes se lire drejt vendeve te hapesires Shengen. Kete fakt e vertetojne dhe te dhenat me te fundit nga ministria e Brendshme, nga ku rezulton se qe nga muaji qershor, korrik dhe gusht, ne shtetin Belg kane kerkuar azil politik 44 shtetas shqiptare. Nishani deklaroi se vec rastit ne fjale, nuk jane shenuar probleme ne levizjen e lire te qytetareve shqiptare ne hapesiren Shengen. Sipas tij, vetem nje perqindje e vogel eshte kthyer pas, per mungese dokumentacioni. "Vetem 3.9 per qind e shqiptareve qe kane aplikuar per levizjen e lire ne hapesiren Shengen, nuk jane lejuar per shkak te mungesave ne dokumentacion",- u shpreh me tej ministri i Brendshem, Bujar Nishani, duke shtuar se fushata per informimin e qytetareve per kriteret e levizjes se lire drejt vendeve shenjen, do te vijoje.