Një i vdekur dhe disa të plagosur nga shembja e urës në Patra

Një pjesë e një ure u shemb të dielën në Patra, qyteti i tretë më i madh i Greqisë, duke vrarë një person dhe duke plagosur tetë të tjerë.

Ekipet e shpëtimit të zjarrfikësve ishin në vendngjarje për të nxjerrë çdo person të bllokuar, tha zëdhënësi i brigadës së zjarrfikësve, Ioannis Artopoios.

Sipas raportimeve, katër nga të lënduarit janë të shtruar në gjendje të rëndë në spital, ndërsa operacioni i kërkim-shpëtimit është duke vazhduar. Zjarrfikësit po punojnë në vendngjarje për të lokalizuar personat e tjerë të bllokuar.

Në këtë pjesë të urës, qarkullimi u ndalua dhe u mbyll nga e enjtja, 20 korrik, për shkak të punimeve të prishjes për rikonstruksionin e nënkalimit.

/rtsh.al/